За даўгі 53‑гадоваму беларусу давялося расплаціцца кватэрай у цэнтры Гомеля. У дачыненні да мужчыны было заведзена амаль сто выканаўчых вытворчасцяў, паведамляе Галоўнае ўпраўленне юстыцыі Гомельскага аблвыканкама.
Перш чым ужываць радыкальныя меры, судовыя выканаўцы спрабавалі іншымі спосабамі дастукацца да неплацельшчыка:
- блакіравалі мабільную сувязь;
- абмежавалі доступ да інтэрнэту;
- увялі забарону на выезд за мяжу;
- абмежавалі права кіравання аўтамабілем.
Аднак нічога не дапамагло. Даўжнік працягваў ігнараваць прадпісанні.
У выніку была арыштаваная «запасная» кватэра, якая належала неплацельшчыку (асноўнае месца жыхарства за мужчынам засталося, яго не чапалі).
Нягледзячы на незавершаны рамонт і адсутнасць дазволу на перапланіроўку, кватэра ў цаглянай пяціпавярхоўцы карысталася попытам.
За аднапакаёвую кватэру на праспекце Перамогі, якую выставілі на электронныя таргі, змагаліся адразу шэсць прэтэндэнтаў. Яны паднялі кошт са стартавых 65 900 рублёў (эквівалент $23 000) да амаль 88 тысяч рублёў (каля $30 000 па курсе).
У выніку 33 «квадраты» атрымалі новага ўладальніка, а былы гаспадар змог расплаціцца з даўгамі.
Дзевяць чалавек памерлі ў Брэсце і Мінску — усім ім уводзілі адныя і тыя ж лекі. У прэпараце знайшлі бактэрыі5
Каментары