Za daŭhi 53‑hadovamu biełarusu daviałosia raspłacicca kvateraj u centry Homiela. U dačynieńni da mužčyny było zaviedziena amal sto vykanaŭčych vytvorčaściaŭ, paviedamlaje Hałoŭnaje ŭpraŭleńnie justycyi Homielskaha abłvykankama.
Pierš čym užyvać radykalnyja miery, sudovyja vykanaŭcy sprabavali inšymi sposabami dastukacca da niepłacielščyka:
- błakiravali mabilnuju suviaź;
- abmiežavali dostup da internetu;
- uviali zabaronu na vyjezd za miažu;
- abmiežavali prava kiravańnia aŭtamabilem.
Adnak ničoha nie dapamahło. Daŭžnik praciahvaŭ ihnaravać pradpisańni.
U vyniku była aryštavanaja «zapasnaja» kvatera, jakaja naležała niepłacielščyku (asnoŭnaje miesca žycharstva za mužčynam zastałosia, jaho nie čapali).
Niahledziačy na niezavieršany ramont i adsutnaść dazvołu na pierapłaniroŭku, kvatera ŭ cahlanaj piacipaviarchoŭcy karystałasia popytam.
Za adnapakajovuju kvateru na praśpiekcie Pieramohi, jakuju vystavili na elektronnyja tarhi, zmahalisia adrazu šeść pretendentaŭ. Jany padniali košt sa startavych 65 900 rubloŭ (ekvivalent $23 000) da amal 88 tysiač rubloŭ (kala $30 000 pa kursie).
U vyniku 33 «kvadraty» atrymali novaha ŭładalnika, a były haspadar zmoh raspłacicca z daŭhami.
Ciapier čytajuć
«U pašparcie babuli staić data naradžeńnia 00.00.1945» — «A ŭ majoj XX.XX.1940». Jak takoje moža być?1
Kamientary