Ludzi zajmali čarhu z vaśmi ranicy — ažyjataž na abaniemienty «Dynama»
Niekatoryja prychodzili zajmać čarhu za dźvie hadziny da adkryćcia fan-šopa.
Siońnia minskaje «Dynama» abviaściła pra start prodažu biletaŭ na najbližejšy siezon KCHŁ. Uładalnikam minułahodnich abaniemientaŭ prapanavali zahadzia pradoŭžyć ich anłajn abo ŭ fan-šopie, raźmieščanym u handlovym centry «Arena Sici». Prapanova vyklikała ažyjataž, piša «Anłajnier».
U čarzie da fan-šopa sabralisia dziasiatki čałaviek. Niekatoryja pryjšli a vaśmoj hadzinie ranicy — za dźvie hadziny da adkryćcia.
Dziaŭčaty, jakija pryjšli a 8-j, raspaviali, što za hadzinu spravilisia, a čarha tym časam pastupova pavialičvałasia.
Pres-słužba ŭžo adreahavała na situacyju:«U pieršy dzień padaŭžeńnia abaniemientaŭ u našym fan-šopie vialikija patoki naviedvalnikaŭ. Kab paźbiehnuć čerhaŭ, prapanujem vam naviedać kramu ŭ lubyja inšyja dni pa 1 vieraśnia abo pradoŭžyć abaniemient anłajn u asabistym kabiniecie».
Na chatnija matčy minułaha siezona było realizavana 8,5 tysiačy abaniemientaŭ pry umiaščalnaści areny ŭ 15 tysiač hledačoŭ.
Što da biletaŭ, start prodažaŭ abvieščany na 24 žniŭnia. Ceny ŭ paraŭnańni ź minułym hodam nie źmieniacca.
Ciapier čytajuć
Vital z-pad Vilejki, jaki padpaliŭ chatu z ułasnymi dziećmi, zavierbavaŭsia ŭ rasijskaje vojska. I prapaŭ na pieršym ža bajavym zadańni5
Kamientary