U Rasii biełarus znajšoŭ čužy pašpart. Tady spaliŭ svoj biełaruski i vyrašyŭ praryvacca ŭ Narviehiju
Płan pravaliŭsia ŭžo ŭ Karelii.
Sortavalski haradski sud Respubliki Karelija (Rasija) vyrašyŭ prymusova vysłać hramadzianina Biełarusi Uładzimira Jurčuka. Praŭda, vyšluć jaho ŭ Biełaruś, a nie ŭ Finlandyju ci Narviehiju, jak jamu mocna chaciełasia b.
Jak vynikaje z materyjałaŭ spravy, u žniŭni 2024 hoda Jurčuk znajšoŭ čyjści rasijski pašpart. Jon pakinuŭ dakumient sabie, a praź miesiac vyrašyŭ spalić svoj biełaruski pašpart. Paśla čaho kupiŭ na čužy pašpart bilet na ciahnik i pryjechaŭ u horad Sortavała (Karelija), majučy namier nakiravacca dalej u Finlandyju, a potym u Narviehiju.
Ale biełarusa zatrymali ŭžo ŭ Sortavale. Sud vyznačyŭ, što z momantu źniščeńnia pašparta jon nie mieŭ zakonnych padstaŭ dla znachodžańnia ŭ Rasii.
Jurčuka aštrafavali prykładna na $20 i pastanavili vysłać u Biełaruś. Pakolki ni dakumientaŭ, ni hrošaj u mužčyny nie było, to jaho adpravili na try miesiacy ŭ departacyjny centr.
Ciapier čytajuć
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam11
Kamientary