Chirurh asprečyŭ hałoŭnyja mify pra ŭkusy i vydaleńnie klaščoŭ
Doktar Charytončyk, naprykład, rekamienduje nie ŭskładniać sabie žyćcio nitkami i inšymi narodnymi srodkami, a kupić u aptecy adnu reč.
Doktar pryjomnaha adździaleńnia Respublikanskaha navukova-praktyčnaha centra dziciačaj chirurhii Vasil Charytončyk raźviančaŭ raspaŭsiudžanyja mify pra nastupstvy nieakuratnaha vydaleńnia parazita, pišuć Minsk-Naviny.
Ništo tak nie azmročvaje ciopły letni dzień, jak vyjaŭleny na ciele klešč. Pryčym paniku časta vyklikaje nie stolki sam ukus, kolki strach pierad mahčymym zaražeńniem.
— Ničoha strašnaha nie adbudziecca, kali vy vyciahniecie klašča nie zusim pravilna. Na ryzyku raspaŭsiudžvańnia infiekcyi heta nijak nie ŭpłyvaje, — rastłumačyŭ śpiecyjalist.
— Ci abaviazkova zachvareje čałaviek, kali klešč byŭ zaražany?
— Zusim nie, — supakoiŭ doktar. — Navat pry ŭkusie zaraznaha klašča patahieny traplajuć u arhanizm daloka nie zaŭsiody. Ale kali heta i adbyłosia, zaražeńnie nie harantavana.
Zdavać vyniataha klašča na analiz taksama nie zaŭsiody metazhodna: daśledavańni časta dajuć padmanna stanoŭčyja vyniki, dy i sam praces patrabuje času. Značna bolš efiektyŭnaj źjaŭlajecca prafiłaktyčnaja doza antybijotyka (adnarazovaja doza daksicyklinu 200 mh dla dziaciej ad vaśmi hadoŭ). Pry hetym paddavacca panicy i śpiašacca nie treba: na ekstrannuju prafiłaktyku jość da troch sutak.
— Jaki sposab vydaleńnia klašča najbolš efiektyŭny?
Doktar Charytončyk rekamienduje nie ŭskładniać sabie žyćcio nitkami i inšymi narodnymi srodkami, a nabyć u aptecy abo na markietplejsach prystasavańnie dla vydaleńnia klaščoŭ.
— Vyhladaje jano jak minijaciurny dvuchzuby videlec z prarezam. Klešč padčeplivajecca zboku la samaj asnovy skury i akuratna vykručvajecca biez zdušvańnia bruška. Kaštuje kapiejki, a vynik zaŭsiody efiektyŭny: zrabić niešta niapravilna prosta nie atrymajecca, — dadaŭ jon.
-
U 7‑j śpiecbryhadzie ŭnutranych vojskaŭ źmianili kamandzira i ideołaha — nieŭzabavie paśla pravierki bojehatoŭnaści
-
Łatuška: Pieramovy pa Ukrainie mohuć adkryć mahčymaści dla Biełarusi. Demsiły pavinny być za stałom
-
«Ja chaču raźviejać mif, što ja vielmi mocny čałaviek, prosta tank, bo mnohija viedajuć mianie z 2020-ha». Razmova z Halinaj Kazimiroŭskaj ab pieramozie nad ciažkim dyjahnazam
Ciapier čytajuć
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek3
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek
Daradca prezidenta Polščy prakamientavaŭ zvarot Kaleśnikavaj i Zołatavaj: Łukašenka vypuskaje niekalki dziasiatkaŭ viaźniaŭ, a na nastupny dzień zatrymlivaje novych2323
Kamientary
obnaružiť
1) (sdiełať vidimym) pakazać
2) (vykazať) vykazać , pavykazvać, vyjavić, pakazać
obnaružiť svoju radosť — vykazać (pakazać) svaju radaść
3) (otyskať) znajści , paznachodzić, adšukać
4) (ustanoviť) vyjavić
obnaružiť propažu dokumientov — vyjavić prapažu dakumientaŭ
----------------------------
ja dziasiatki hadoŭ čytaju biełaruskija knihi i ŚMI i nie pamiataju kab "vyjavić" niedzie było na kožnaj staroncy,
jak i "inšy" i "całkam"
Taksama i z pašpartam, z vašaha prykładu. Kali vy jaho šukajecie, biehajučy pa chacie, zabyŭšy dzie pakłali, dyk znachodzicie, a kali vy paleźli pa jaho ŭ kišeniu, kab pradjavić, bo ŭpeŭnieny, što jon tam, a jaho ŭ kišeni niama, dyk adpaviedna vyjavicie prapažu pašparta, a nie znojdziecie jahonuju adsutnaść... Uciamna ?
Taksama, špacyrujučy na rabotu, raptam vyjavicie (naprykład) hniazdo varony na drevie ŭ parku, a vy ž jaho tam nie šukali, kab znajści ?
Knihi vy čytali, cudoŭna, a žyvoj, naturalnaj hutarki, padobna, nia čuli, tamu j prablemy z aryjentacyjaj u movie.