«Biełoruśsija, a nikak nie Biełaruś». Arciemij Lebiedzieŭ napisaŭ, jak budzie pravilna pa-rusku, i vyklikaŭ zachapleńnie padpisčykaŭ
Rasijski dyzajnier i błohier Arciemij Lebiedzieŭ apublikavaŭ dopis pra biełaruskuju movu i biełarusaŭ. Jon vystupiŭ, pavodle jaho aznačeńnia, jak «nośbit i abaronca normy» ruskaj movy. «Kalečyć rodnuju movu dziela susieda, navat dziela lubimaha i rodnaha susieda», jon admoviŭsia.
Svoj dopis Lebiedzieŭ pačynaje z «adsutnaści kompleksaŭ» u biełaruskaj movy.
«Nie pierastaju zachaplacca adsutnaściu kompleksaŭ i svabodaj biełaruskaj movy. Tut pryncyp — jak čujecca, tak i pišacca. Pravieračnyja słovy niemahčymyja. Skažam, raka nazyvajecca Vołha. Jak nazyvajecca horad na joj? Vałhahrad. Cudoŭna ž!»
Paśla hetaha Lebiedzieŭ raskazvaje, jak, na jaho dumku, pa-rusku treba nazyvacca biełarusam.
Jon piša, što na patrabavańni vykarystoŭvać formu «biełarus» reahuje rezka:
«Kali mnie kažuć, što treba pisać «biełarus», ja pasyłaju nach*j roŭna pa adnoj pryčynie: u ruskaj movie złučalnaja hałosnaja — «o». Tamu tolki i vyklučna «biełorus».
Jon tłumačyć, što ličyć siabie nośbitam ruskaj movy, a ŭ toj, jak vynikaje ź jaho łohiki, niama takoj «adsutnaści kompleksaŭ», jak u biełaruskaj movy:
«Tamu što ja kažu i pišu pa-rusku hramatna. I nie hatovy kalečyć rodnuju movu dziela susieda, navat dziela lubimaha i rodnaha susieda».
Tamu tolki i vyklučna «biełorus».
Hetak ža biezapielacyjna Lebiedzieŭ ukazvaje, jak treba nazyvać i susiedniuju krainu.
«Nu i, viadoma ž, Biełoruśsija, ale nijak nie Biełaruś. Heta ja jak nośbit i abaronca normy adkazna zajaŭlaju».
Publikacyja atrymała bolš za 1600 reakcyj. Padpisčyki błohiera pryjšli ŭ zachapleńnie: bolš za 830 sercajek, amal 400 palcaŭ uvierch, 160 ahieńčykaŭ.
Značna mienš siarod padpisčykaŭ Lebiedzieva niazhodnych ci aburanych — tolki 85 kłoŭnaŭ, 50 kučak. Vybrać papkorn było niemahčyma.
Bialacki: Nie treba śpiašacca admianiać sankcyi. Bo heta budzie ŭspryniata režymam jak jaho pieramoha i słabaść Jeŭropy15
Kamientary
Heta bač, prablema ruskich - praź nierazumieńnie susudziaŭ jany horš razumiejuć siabie.