«Белоруссия, а никак не Беларусь». Арцемій Лебедзеў напісаў, як будзе правільна па-руску, і выклікаў захапленне падпісчыкаў
Расійскі дызайнер і блогер Арцемій Лебедзеў апублікаваў допіс пра беларускую мову і беларусаў. Ён выступіў, паводле яго азначэння, як «носьбіт і абаронца нормы» рускай мовы. «Калечыць родную мову дзеля суседа, нават дзеля любімага і роднага суседа», ён адмовіўся.
Свой допіс Лебедзеў пачынае з «адсутнасці комплексаў» у беларускай мовы.
«Не перастаю захапляцца адсутнасцю комплексаў і свабодай беларускай мовы. Тут прынцып — як чуецца, так і пішацца. Праверачныя словы немагчымыя. Скажам, рака называецца Волга. Як называецца горад на ёй? Валгаград. Цудоўна ж!»
Пасля гэтага Лебедзеў расказвае, як, на яго думку, па-руску трэба называцца беларусам.
Ён піша, што на патрабаванні выкарыстоўваць форму «беларус» рэагуе рэзка:
«Калі мне кажуць, што трэба пісаць «беларус», я пасылаю нах*й роўна па адной прычыне: у рускай мове злучальная галосная — «о». Таму толькі і выключна «белорус».
Ён тлумачыць, што лічыць сябе носьбітам рускай мовы, а ў той, як вынікае з яго логікі, няма такой «адсутнасці комплексаў», як у беларускай мовы:
«Таму што я кажу і пішу па-руску граматна. І не гатовы калечыць родную мову дзеля суседа, нават дзеля любімага і роднага суседа».
Таму толькі і выключна «белорус».
Гэтак жа безапеляцыйна Лебедзеў указвае, як трэба называць і суседнюю краіну.
«Ну і, вядома ж, Белоруссия, але ніяк не Беларусь. Гэта я як носьбіт і абаронца нормы адказна заяўляю».
Публікацыя атрымала больш за 1600 рэакцый. Падпісчыкі блогера прыйшлі ў захапленне: больш за 830 сэрцаек, амаль 400 пальцаў уверх, 160 агеньчыкаў.
Значна менш сярод падпісчыкаў Лебедзева нязгодных ці абураных — толькі 85 клоўнаў, 50 кучак. Выбраць папкорн было немагчыма.
Цяпер чытаюць
26‑гадовага супрацоўніка элітнага падраздзялення мытні асудзілі на 16 гадоў па наборы палітартыкулаў. Сярод іх і «здрада дзяржаве»9
Каментары
Гэта бач, праблема рускіх - праз неразуменне сусудзяў яны горш разумеюць сябе.