29‑hadovy prapahandyst Mikita Račyłoŭski, viadomy svajoj apantanaj addanaściu režymu, pamianiaŭ biurakratyčna-namienkłaturny styl na buntarski revalucyjny vobraz.
Račyłoŭski apublikavaŭ zdymki z maładziožnaj antyfašysckaj sustrečy «Ruch napierad», dzie jon źjaŭlajecca staršynioj savieta. «Placoŭka stvorana ŭ adkaz na aktualnyja suśvietnyja padziei, dzie vyrazna prasočvajucca niebiaśpiečnyja tendencyi nieafašyzmu», — havorycca ŭ paviedamleńni.
Na zdymkach źviartajuć uvahu źmieny ŭ vobrazie staršyni Račyłoŭskaha. Jašče niadaŭna jon demanstravaŭ kłasičny ŭzor namienkłaturnaha stylu. Pryčym, vyhladaje, Račyłoŭski tady dla salidnaści farbavaŭ vałasy ŭ bolš ciomny koler.
A ciapier pierad nami — u bierecie z zorkaj śvietłavałosy Če Hievara, adaptavany pad biełaruskija dziaržaŭna-patryjatyčnyja patreby.
Zorka Mikity Račyłoŭskaha zaźziała na niebaschile biełaruskaj prapahandy ŭ 2022 hodzie. Tady 25‑hadovaha chłopca pryznačyli kiraŭnikom Moładzievaha parłamienta — jon navat atrymaŭ čyrvona-zialony bukiet z ruk Natalli Kačanavaj. Tady ž Mikita staŭ kiravać moładzievym hramadskim abjadnańniem «Ruch napierad».
U 2023 hodzie Mikita jak kiraŭnik Moładzievaha parłamienta kataŭsia ŭ «DNR» i chvaliŭsia tym, što zaklučyŭ damovu ab supracoŭnictvie z tamtejšym Moładzievym parłamientam.
U tym ža 2023 hodzie Račyłoŭski staŭ častym hościem tok-šou na biełaruskim telebačańni. Ad imia biełaruskaj moładzi jon asudžaŭ «nacyjanał-zdradnikaŭ». Jamu davieryli vieści prahramu «Sienat» na STB i brać intervju ŭ deputataŭ.
Chłopiec navat abiacaŭ pamierci za Łukašenku.
U žniŭni 2024 hoda Račyłoŭski trapiŭ pad sankcyi Jeŭrasajuza.
Ale dalej karjera zabuksavała.
Ciapier čytajuć
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam12
Kamientary