Adnoj z hałoŭnych pryčyn padzieńnia padtrymki stała zaniepakojenaść amierykancaŭ vajnoj ZŠA ź Iranam.
U pačatku žniŭnia ŭzrovień uchvaleńnia dziejnaści Trampa składaŭ 35%. U toj ža čas 64% apytanych zajavili, što nie ŭchvalajuć jaho pracu, kaža apytańnie Reuters/Ipsos.
Adnoj z hałoŭnych pryčyn padzieńnia padtrymki stała zaniepakojenaść amierykancaŭ vajnoj ZŠA ź Iranam. Kala 80% respandentaŭ ličać, što ŭdzieł ZŠA ŭ kanflikcie budzie praciahvacca doŭha. Tolki 16% miarkujuć, što vajna, vierahodna, skončycca na praciahu niekalkich tydniaŭ.
Tolki 20% apytanych zajavili, što vajna ź Iranam była taho vartaja. Siarod respublikancaŭ tak ličyć kala pałovy.
Kanflikt taksama paŭpłyvaŭ na ekanamičnyja nastroi amierykancaŭ. Z-za vajny vyraśli ceny na paliva, što ŭzmacniła zaniepakojenaść chatnich haspadarak nakont koštu žyćcia.
Na hetym fonie demakraty atrymali pieravahu nad respublikancami ŭ pytańniach kiravańnia ekanomikaj i koštu žyćcia. Heta moža mieć značeńnie napiaredadni pramiežkavych vybaraŭ u ZŠA ŭ listapadzie.
U toj ža čas respublikancy zachoŭvajuć nievialikuju pieravahu ŭ pytańni imihracyi. Ich palityku ŭ hetaj śfiery padtrymlivajuć 40% apytanych suprać 38%, jakija addajuć pieravahu demakratam.
Razryŭ istotna skaraciŭsia ŭ paraŭnańni z pačatkam 2025 hoda, kali pieravaha respublikancaŭ składała 26 pracentnych punktaŭ.
Pavodle danych Reuters/Ipsos, ciapierašni pakazčyk uchvaleńnia Trampa 33% taksama adpaviadaje jaho najnižejšamu vyniku padčas pieršaha prezidenckaha terminu, zafiksavanamu ŭ śniežni 2017 hoda.
Apytańnie pravodziłasia anłajn siarod 1166 darosłych amierykancaŭ, a statystyčnaja chibnaść składaje kala troch pracentnych punktaŭ u abodva baki.
Ciapier čytajuć
Vital z-pad Vilejki, jaki padpaliŭ chatu z ułasnymi dziećmi, zavierbavaŭsia ŭ rasijskaje vojska. I prapaŭ na pieršym ža bajavym zadańni5
Kamientary