Byłoha miechanizatara z Mahiloŭščyny asudzili za palityku
Dzianisa Chałajdava pryznali vinavatym u «sadziejničańni ekstremisckaj dziejnaści».
Dzianisu Chałajdavu z Kličava 37 hadoŭ. U 2013‑m jon skončyŭ ahramiechaničny fakultet Biełaruskaha dziaržaŭnaha ahrarnaha ŭniviersiteta. Raniej mužčyna pracavaŭ miechanizataram i navat udzielničaŭ u rajonnych spabornictvach aratych na Kličaŭščynie.
Paźniej Dzianis zaniaŭsia ŭłasnaj spravaj: u sakaviku 2022 hoda jon zarehistravaŭ IP, jakoje śpiecyjalizavałasia na pasłuhach u halinie lesavodstva, lesanarychtoŭkach i drevaapracoŭcy.
U Dzianisa jość siamja — žonka i syn.
Mužčynu sudzili pavodle častak 1 i 2 artykuła 361‑4 Kryminalnaha kodeksa Biełarusi — sadziejničańnie ekstremisckaj dziejnaści.
Jamu prysudzili chatniuju chimiju.
Masavyja palityčnyja represii ŭ krainie pačalisia paśla 2020 hoda. Tady Alaksandr Łukašenka prajhraŭ Śviatłanie Cichanoŭskaj, ale nie addaŭ joj ułady, a zmusiŭ jaje vyjechać za miažu. Heta vyklikała masavyja narodnyja pratesty, u jakich udzielničali miljony ludziej. U adkaz na heta ŭłady raspačali aryšty.
Pavodle padlikaŭ abjadnańnia siłavikoŭ «Biełpoł» i pravaabaroncaŭ, viadomyja imiony jak minimum 10050 čałaviek, jakija padpali pad palityčna matyvavanyja kryminalnyja spravy. Usiaho tyja ci inšyja palityčnyja represii (kryminałki, administratyŭki, zvalnieńni, pieratrusy, vymušanaja emihracyja) začapili sotni tysiač biełarusaŭ.
«Ekstremizmam» ułady Biełarusi ličać patrabavańnie pravieści svabodnyja vybary z prazrystym padlikam hałasoŭ, a taksama praktyčna ŭsialakuju krytyku ŭładaŭ, prarasijskich histaryčnych naratyvaŭ, prajavy salidarnaści z Ukrainaj, antyvajennyja vystupy.
«Naša Niva» — bastyjon biełaruščyny
PADTRYMAĆCiapier čytajuć
Jaje nie chacieli brać u muzyčnuju škołu, a ŭ 14 jana syhrała ŭ Karniehi-chole ŭ Ńju-Jorku. Biełaruskaja skrypačka — pra žyćcio ŭ Łondonie, zarobki i čym skrypka Stradyvary za 14 miljonaŭ jeŭra adroźnivajecca ad zvyčajnaj1111
Jaje nie chacieli brać u muzyčnuju škołu, a ŭ 14 jana syhrała ŭ Karniehi-chole ŭ Ńju-Jorku. Biełaruskaja skrypačka — pra žyćcio ŭ Łondonie, zarobki i čym skrypka Stradyvary za 14 miljonaŭ jeŭra adroźnivajecca ad zvyčajnaj11
Natalla Kalehava raskazała pra dapamohu biełaruskim uciekačam, svaju siamju, staŭleńnie da Cichanoŭskaj. I patłumačyła, chto takija «babry» i «zajcy»4343
Kamientary