Dalnabojščyka z Družnaha, jaki pracavaŭ u Jeŭrasajuzie, asudzili pa palityčnaj spravie
Mikita Pucyła 14 hadoŭ pracavaŭ u śfiery hruzapieravozak u Biełarusi i Rasii. Z časam jon pierajšoŭ na jeŭrapiejski kirunak. Jaho aryštavali padčas viartańnia dadomu ŭ červieni 2025 hoda.
Mikicie Pucyłu 40 hadoŭ. Jon rodam z pasiołka Družny Puchavickaha rajona Minskaj vobłaści. Z 2011 hoda mužčyna pracavaŭ jak indyvidualny pradprymalnik — mieŭ ułasnyja busy i zajmaŭsia dastaŭkaj hruzaŭ pa Biełarusi i Rasii.
U 2024‑m Mikita advučyŭsia na pravy katehoryi «SIE» i vyrašyŭ padacca ŭ jeŭrapiejskija dalnabojščyki. U mai jon pačaŭ pracavać u litoŭskim łahistyčnym hihancie Girteka, a dalej padumvaŭ rušyć kiroŭcam u Kanadu.
U telehram-čatach mužčyna šmat dapamahaŭ inšym kiroŭcam: raiŭ, jak adkryć rachunki ŭ Jeŭrasajuzie, zrabić vizu ci kupić tanny internet u roŭminhu. Svoj adjezd jon tłumačyŭ tym, što ŭ Biełarusi nie bačyŭ pracoŭnych i asabistych pierśpiektyŭ.
Pa-za pracaj Mikita zachaplajecca ciažkaj muzykaj — ad hurtoŭ Slayer i Vader da biełaruskich fołk-mietalistaŭ Drygva i Irdorath. U jaho sacsietkach jość fotazdymki z roznych tematyčnych festaŭ.
Mikitu aryštavali i źmiaścili ŭ SIZA ŭ kancy červienia 2025 hoda. Adbyłosia heta padčas viartańnia ci adrazu paśla viartańnia dadomu.
Mužčynu sudzili ŭ Minskim abłasnym sudzie pa abvinavačańni ŭ «sadziejničańni ekstremizmu» (č. 1 i č. 2 art. 361‑4 KK). Pa źviestkach pravaabaroncaŭ, pieraśled źviazany sa spravaj Hajuna.
Vyhladaje, što jamu prysudzili pakarańnie, źviazanaje z pazbaŭleńniem voli.
«Naša Niva» — bastyjon biełaruščyny
PADTRYMAĆCiapier čytajuć
«U mianie tolki adna mara — viarnuć svajho Dzimku». Maci byłoha palitviaźnia Dźmitryja Hopty raskazvaje pra novuju biadu syna. I prosić zamaŭlać u jaje bolš tortaŭ, kab spravicca4
Kamientary