Kiroŭcu ź Pinska adpravili ŭ kałoniju za padrychtoŭku da «masavych biesparadkaŭ», «abrazu» Łukašenki i «raspalvańnie varožaści»
Siarhiej Pałchoŭski amal usio žyćcio kruciŭ abaranak — pracavaŭ taksistam i kiroŭcam. Ale niadaŭna Brescki abłasny sud adpraviŭ jaho za kraty, asudziŭšy pa troch palityčnych artykułach. Chutčej za ŭsio, za kamientary ŭ internecie.
Siarhieju Pałchoŭskamu 48 hadoŭ. Jon naradziŭsia ŭ Ščučynie Hrodzienskaj vobłaści. Ale nieŭzabavie siamja pierajechała ŭ Pinsk, skončyŭ škołu jon užo tam.
Usio svajo pracoŭnaje žyćcio Siarhiej byŭ kiroŭcam. Jon byŭ indyvidualnym pradprymalnikam i taksavaŭ u rodnym Pinsku. Paźniej jeździŭ na zarobki ŭ Rasiju, dzie byŭ kiroŭcam hruzavika.
Mužčyna žanaty. U volny čas mocna zachaplajecca rybałkaj.
Siarhieja aryštavali ŭ minułym hodzie. A niadaŭna Brescki abłasny sud vynies Pałchoŭskamu prysud adrazu pa niekalkich artykułach Kryminalnaha kodeksa. Jaho asudzili za «raspalvańnie varožaści» (č. 1 art. 130) i «abrazu Łukašenki» (č. 1 art. 368). Akramia taho, mužčynu abvinavacili jašče i ŭ padrychtoŭcy da masavych biesparadkaŭ (č. 1 art. 13 i č. 1 art. 293).
Zvyčajna takija spravy ŭzbudžajuć za rezkija kamientary ŭ internecie, abmierkavańnie pratestaŭ abo zakliki da vuličnych akcyj.
Sankcyi pa hetych artykułach praduhledžvajuć da 15 hadoŭ źniavoleńnia. Viadoma, što ciapier Siarhiej Pałchoŭski ŭžo znachodzicca ŭ kałonii, ale dakładny prysud nieviadomy.
«Naša Niva» — bastyjon biełaruščyny
PADTRYMAĆCiapier čytajuć
«Lena 20 rubloŭ» uziałasia za staroje: znakamitaja machlarka znoŭ razvodzić davierlivych biełarusaŭ9
Kamientary