25‑hadovuju dyzajnierku ź Pinska, jakaja raśpisvała ścieny dla sacyjalnaha centra, asudzili za palityku
Jana Maskalova dapamahała stvarać łahatypy i malavała ilustracyi. Ale niadaŭna dziaŭčynu asudzili pa kryminalnym artykule za «sadziejničańnie ekstremisckaj dziejnaści».
Janie Maskalovaj 25 hadoŭ, jana rodam ź Pinska. U 2020 hodzie dziaŭčyna skončyła Pinski dziaržaŭny kaledž mastactvaŭ pa śpiecyjalnaści «Dyzajn i typahrafika».
Padčas vučoby dziaŭčyna šmat razoŭ atrymlivała dypłomy łaŭreata ŭ naminacyjach pa hrafičnym dyzajnie, udzielničała ŭ raspracoŭcy talismana dla Jeŭrapiejskich hulniaŭ 2019 hoda i navat rabiła dabračynny rośpis ścien dla miascovaha terytaryjalnaha centra sacyjalnaha absłuhoŭvańnia nasielnictva.
Paśla zakančeńnia kaledža Jana pačała pracavać jak dyzajnierka i ilustratarka. Jana stvarała łahatypy, firmovy styl, palihrafičnuju pradukcyju i 3D-vizualizacyi. U svaim prafiesijnym profili dziaŭčyna pisała, što imkniecca da hłybini i sensu, kab dapamahać brendam razmaŭlać z klijentami na emacyjnym uzroŭni.
Niadaŭna Janu asudzili ŭ Bresckim abłasnym sudzie pavodle častak 1 i 2 artykuła 361‑4 Kryminalnaha kodeksa (sadziejničańnie ekstremisckaj dziejnaści). Pieraśled pa hetym artykule zvyčajna źviazany sa spravaj Hajuna.
Dziaŭčynie prysudzili chatniuju chimiju.
«Naša Niva» — bastyjon biełaruščyny
PADTRYMAĆ
Kamientary