Doktar pieraličyła faktary, jakija mohuć spravakavać heta, i apisała historyju 28‑hadovaha ajcišnika.
Išemičny insult u maładych ludziej (18—45 hadoŭ) sustrakajecca prykładna ŭ 5—14% vypadkaŭ. Ale jaho pryčyny ŭ maładych adroźnivajucca ad starejšych. U maładych ludziej vialikuju rolu hrajuć nieateraskleratyčnyja chvaroby sasudaŭ (heta značyć nie źviazanyja z «zabivańniem» sasudaŭ chalesterynam), apisvaje zahadčyca nieŭrałahičnaha adździaleńnieja №1 Minskaha abłasnoha kliničnaha špitala invalidaŭ VAV imia P. M. Mašerava Śviatłana Kuźmienka ŭ «Miedycynskim vieśniku».
Adna z samych častych pryčyn — heta dyśsiekcyja arteryj (rassłajeńnie ścienki sasuda). Heta kali ŭnutranaja ścienka arteryi nadryvajecca, i kroŭ traplaje unutr ścienki, utvarajučy hiematomu. U vyniku sasud zvužajecca abo navat zakryvajecca — i moža ŭźniknuć insult.
Asnoŭnaja pryčyna, čamu heta zdarajecca, — słabaść ścienak sasudaŭ (časta hienietyčnaja).
Ale jość i faktary, jakija mohuć spravakavać prablemu.
Traŭma hałavy i šyi, praźmierny rezki pavarot hałavy, zakidvańnie hałavy i jaje niazručnaje stanovišča (sindrom «sałona pryhažości»), zaniatki niekatorymi vidami sportu (płavańnie), doŭhaja razmova pa mabilnym telefonie, kali aparat utrymlivajecca plačom, niazručnaje pałažeńnie hałavy padčas snu.
Taksama ŭ pieraliku intubacyjny narkoz, manualnaja terapija, intensiŭnyja namahańni padčas rodaŭ.
Apisany vypadki rassłajeńnia ścienki sasuda pry fizičnym napružańni padčas kašlu, vanit, uźniaćcia ciažaru. Razam z tym varta razumieć, što hetyja faktary pryvodziać da paškodžańnia sasudzistaj ścienki tolki pry jaje słabaści.
Virusy taksama mohuć asłablać sasudy.
Čaściej pakutujuć unutranaja sonnaja arteryja i pazvanočnaja arteryja.
Pryvodzicca takaja historyja, jakaja adbyłasia z 28‑hadovym mužčynam-ajcišnikam. Jon pastupiŭ u balnicu sa skarhami na hałavakružeńnie, chistkuju chadu, zdranćvieńnie ŭ rukach i nahach, prystupy karotkačasovaha parušeńnia maŭleńnia, pamiaci. Napiaredadni padčas prahułki paśliznuŭsia, upaŭ i ŭdaryŭ levym plačom šyju, prytomnaść nie straciŭ, paśla čaho adčuŭ zdranćvieńnie jazyka, karotkačasovaje hałavakružeńnie, młosnaść, byli vanity, parušyłasia maŭleńnie. Simptomy praz 10‑15 chvilin prajšli, tamu pa miedycynskuju dapamohu mužčyna adrazu nie źviartaŭsia. A praź dzień simptomy paŭtarylisia, i jon pajechaŭ u balnicu. Jaho špitalizavali pa ekstranych pakazańniach. U anamniezie mužčyny — arteryjalnaja hipiertenzija, redkija prastudnyja zachvorvańni.
U jaho byŭ vielmi redki vypadak — adrazu niekalki arteryj byli paškodžanyja.
Kamientary