Nivodzin z novych spadarožnikaŭ, jakija prezientujucca jak rasijski anałah Starlink, pakul nie vyjšaŭ na naležnuju arbitu
Rasija pakul nie zdoleła naležnym čynam vyvieści na arbitu nivodzin spadarožnik z druhoj partyi sistemy «Rasśviet», jakuju płanujuć vykarystoŭvać jak ułasny anałah Starlink. Pra heta paviedamlaje Instytut vyvučeńnia vajny (ISW).
Druhuju partyju z 16‑ci spadarožnikaŭ zapuścili 19 lipienia. Adnak da 31 žniŭnia nivodzin ź ich nie dasiahnuŭ zapłanavanaj vyšyni ŭ 550 kiłamietraŭ. Mnohija aparaty zastalisia na vyšyni 300—400 kiłamietraŭ, a arbita niekatorych praciahvaje źnižacca. Prynamsi dva spadarožniki mohuć uvajści ŭ atmaśfieru Ziamli.
Prablemy byli i ź pieršaj partyjaj, zapuščanaj u sakaviku. Tolki 12 z 16 aparataŭ zdoleli vyjści na zapłanavanuju vyšyniu. Pavodle ISW, jany zabiaśpiečvali rasijskim vajskoŭcam suviaź z naziemnymi terminałami na akupavanych terytoryjach Ukrainy tolki dvojčy na dzień, prykładna na paŭtary hadziny.
Znachodžańnie na zanadta nizkaj arbicie skaračaje termin słužby spadarožnikaŭ: na ich bolš upłyvaje supraciŭ vierchnich słajoŭ atmaśfiery i chutčej tracicca paliva.
U vyniku na kaniec žniŭnia tolki 37,5% zapuščanych spadarožnikaŭ «Rasśviet» dasiahnuli stabilnaj pracoŭnaj vyšyni. ISW ličyć, što niaŭdača z druhoj partyjaj moža pryvieści da novych zatrymak u razhortvańni rasijskaj spadarožnikavaj hrupoŭki.
Rasijskaja kampanija «Biuro 1440», jakaja raspracoŭvaje sistemu, zajaŭlała pra płany pravieści jašče dziasiatki zapuskaŭ i vyvieści na arbitu sotni spadarožnikaŭ. Adnak dla hetaha vykarystoŭvajecca rakieta «Sajuz-2.1b», mahčymaści jakoj abmiežavanyja.
Pavodle acenki ISW, pry ciapierašniaj častacie zapuskaŭ Rasija zmoža vyvieści nie bolš za 128 takich aparataŭ za čatyry hady, pryčym niama harantyi, što ŭsie jany buduć pracazdolnymi.
Takim čynam, sproba Rasii chutka stvaryć ułasnuju sistemu spadarožnikavaj suviazi zamiest Starlink pakul sutyknułasia z surjoznymi techničnymi prablemami.
Jašče dva spadarožniki z rasijskaha anałaha Starlink nie zmahli padniacca na svaju arbitu
Ukraina paprasiła Iłana Maska dazvolić vykarystańnie Starlink dla naniasieńnia ŭdaraŭ pa terytoryi Rasii na hłybiniu da 200 kiłamietraŭ
Zialenski ŭznaharodziŭ Iłana Maska ordenam Svabody
Kab pieraškodzić ukrainskim dronam, Rasija sprabuje hłušyć Starlink
Ciapier čytajuć
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich1919
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich19
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1818
Kamientary