Ukrainku nie puścili ŭ muziej vajskovaj techniki ŭ Hiermanii. Vyśvietliłasia, što i biełarusam uvachod tudy zabaronieny
«U suviazi z patrabavańniami vajennaj biaśpieki».
Pra niepryjemnuju situacyju Aksana raspaviała ŭ Threads.
Ukrainka pryjechała ź siamjoj u niamiecki Koblenc, kab pakazać starejšamu synu Muziej vajskovaj techniki Bundeśviera. Kaža, što chłopiec vielmi cikavicca hetaj temaj. Try miesiacy tamu jany ŭžo pryjazdžali siudy — nijakich pytańniaŭ praz hramadzianstva nie ŭźnikała.
Ale ŭ heta raz čamuści paprasili pakazać pašpart. Aksana, darečy, niadaŭna atrymała niamieckaje hramadzianstva — ale zabrać pašpart jašče nie paśpieła. Tamu spakojna pakazała svoj ukrainski.
Jakim ža było jaje ździŭleńnie, kali jana pačuła, što ciapier ukraincam u hety muziej uvachod zabaronieny — i nie tolki im. Na aficyjnym sajcie muzieja sapraŭdy paznačana: «U suviazi z patrabavańniami vajennaj biaśpieki dostup da kalekcyi ŭ ciapierašni čas zabaronieny hramadzianam dziaržaŭ, pieraličanych u adpaviednaści z punktam 17 artykuła 13 Zakona ab praviercy dobranadziejnaści».
Usiaho ŭ śpisie 26 krain — i Biełaruś taksama. Jość tam Rasija, Armienija, Azierbajdžan, Uźbiekistan, Hruzija, Kitaj, Małdova, Turkmienistan i inšyja.
Abmiežavańni pačali dziejničać sioleta 3 sakavika.
Ciapier čytajuć
U vice-śpikierki Kaardynacyjnaj rady Lizaviety Prakopčyk sabrałasia $12 tysiač daŭhoŭ94
Kamientary
My achviary a nie saŭdzielniki . RB praktyčna apynułasia ŭ EZ abłozie. Nie jakich resursaŭ ŭ RB na supraciŭ maskoŭskaj impierskaj navale nie było ŭ 2021. My achviary a nie saŭdzielniki (Biełaruskija vojski nie udzielničali ŭ vajnie nikoli ) chopić łuchtu "nievierahodnuju" & EZ levackaju & impierska maskoŭskuju prasoŭvać spadary !