Usie čakali padzieńnia cen, ale ničoha padobnaha! Jak za hod źmianilisia ceny na kvatery ŭ Minsku i inšych bujnych haradach

Minsk

Tolki ad pačatku hoda mietr u stalicy ŭ siarednim dadaŭ bolš za $200, ci kala 11%.

Pavodle statystyki Realt.by, siaredni košt mietra ŭ Minsku na pačatak krasavika składaje $2272: $2286 na druhasnym rynku i $2258 u novabudoŭlach.

U studzieni cana prasiadała da $1942. Ale z nabližeńniem viasny znoŭ pajšła ŭhoru, staviačy rekord za rekordam.

Pavialičyć

I heta adbyvałasia na fonie prahnozaŭ, što paśla miažy $2000 dalejšaha intensiŭnaha rostu čakać nie varta.

Niekatoryja ekśpierty navat schilalisia da taho, što ceny mohuć pačać padać (jak heta było ŭ studzieni) ci prosta zastavacca na plus-minus adnym uzroŭni.

Ale prahnozy nie spraŭdzilisia.

Pavialičyć

Za hod siaredni košt kvadrata ŭ Minsku vyras na $709: z $1563 na pačatku krasavika 2025 hoda da $2272 na pačatak krasavika 2026 hoda. Heta plus 45%.

Čamu ŭ Minsku tak rastuć ceny?

Siarod vierahodnych pryčyn, čamu nasupierak prahnozam ceny na kvatery ŭ Minsku nie ŭpali, nazyvajuć niečakany rost popytu z boku rasijan.

U sakaviku 2026 hoda hramadzianie Rasii nabyli kala 10% usich kvater (126 štuk), pradadzienych u Minsku.

Zvyčajna jany cikaviacca nie samym tannym žyllom, a kvaterami bolš vysokaha kłasa, tamu ahulny ŭzrovień cen na rynku pavyšajecca.

Pavialičyć

Rost cikavaści rasijan da žylla ŭ Biełarusi moža być źviazany z abmiežavańniami ŭ samoj Rasii. Temy pierajezdu ŭsio čaściej abmiarkoŭvajucca ŭ sacyjalnych sietkach. Pakul adny rasijanie tolki cikaviacca, inšyja raspaviadajuć pra svoj dośvied žyćcia ŭ Biełarusi.

Da taho ž, cikavaść da pierajezdu ŭ Biełaruś prajaŭlajuć ruskija ź inšych krain, u pryvatnaści, z Łatvii.

Što adbyvajecca ŭ inšych bujnych haradach Biełarusi?

Brest

Ciapier siaredniaja cana mietra pa prapanovach składaje $1234. Letaś u toj ža pieryjad mietr u Breście ŭ siarednim aceńvali ŭ $1086. Takim čynam, za hod kvadrat u hetym abłasnym centry dadaŭ $148, što kala 14%.

Pavialičyć

Nahadajem, što Brest, niahledziačy na ścipły rost cen, pa-raniejšamu zastajecca abłasnym centram z samym darahim kvadratam.

Viciebsk

U Viciebsku siaredni košt mietra ŭ kvaterach ciapier składaje $978. Hodam raniej jaho ŭ siarednim aceńvali ŭ $809.

Atrymlivajecca, što za hod mietr u Viciebsku dadaŭ u canie $169, što amal 21%.

Homiel

U druhim pa kolkaści nasielnictva horadzie Biełarusi mietr u pačatku krasavika ŭ siarednim aceńvajuć u $1065. Hodam raniej — $868.

Hadavy pryrost skłaŭ amal $200, ci biez małoha 23%.

Hrodna

U Hrodnie siaredni košt mietra na pačatak krasavika — $1138. Hod tamu kvadrat tam aceńvali ŭ $913. 

Pavialičyć

Za hod mietr u Hrodnie dadaŭ $225, ci amal 25%, što źjaŭlajecca rekordnym pakazčykam siarod abłasnych centraŭ.

Mahiloŭ

U Mahilovie siaredni košt mietra ciapier składaje $1081, a na pačatku krasavika minułaha hoda byŭ $934. Takim čynam, mietr u Mahilovie za hod u siarednim padaražaŭ na $147, ci amal na 16%.

• 0
• 2
• 2
• 4
• 1
• 3
• 0
• 0