ZŠA i Iran nie zmahli dasiahnuć pahadnieńnia ŭ Isłamabadzie. Vens pajechaŭ z Pakistana
Vice-prezident ZŠA Džej Dzi Vens zajaviŭ, što napružanyja pieramovy ź Iranam u Isłamabadzie, jakija doŭžylisia bolš za 21 hadzinu, zaviaršylisia biez padpisańnia mirnaha pahadnieńnia. Asnoŭnaj pryčynaj pravału stała admova Tehierana pryniać umovy ZŠA, u pryvatnaści — adsutnaść «fundamientalnaha abaviazacielstva» Irana nie raspracoŭvać jadziernuju zbroju.
«U nas byŭ šerah źmiastoŭnych dyskusij ź irancami, heta dobraja navina. Drennaja navina ŭ tym, što my nie dasiahnuli pahadnieńnia, i ja dumaju, što heta drennaja navina dla Irana ŭ značna bolšaj stupieni, čym dla Złučanych Štataŭ Amieryki», — skazaŭ Vens.
«My prosta nie zmahli pryjści da situacyi, kali irancy pryniali b našy ŭmovy», — skazaŭ Vens pierad adlotam.
Pazicyja Donalda Trampa
Prezident ZŠA Donald Tramp zajaviŭ žurnalistam, što jaho nie chvaluje vynik sustrečy. Pavodle jaho słoŭ, Vašynhton užo vyjšaŭ z hetaj vajny pieramožcam.
«Dla mianie nie maje značeńnia, zaklučym my pahadnieńnie ci nie. Sprava ŭ tym, što my pieramahli», — zajaviŭ Tramp.
Jon śćviardžaje, što ZŠA całkam razhramili iranskija VPS, VMS i kiraŭnictva krainy.
Tramp taksama paviedamiŭ pra pačatak apieracyi pa raźminiravańni Armuzskaha praliva siłami VMS ZŠA, paskardziŭšysia, što «NATA nie dapamahło».
Chod pieramoŭ i sprečnyja pytańni
Pieramovy prachodzili ŭ trochbakovym farmacie z udziełam Pakistana.
Iranskuju delehacyju ŭznačalvaŭ śpikier parłamienta Machamad-Bahier Halibaf, amierykanskuju — vice-prezident Džej Dzi Vens, śpiecpasłańnik Styŭ Uitkaf i Džared Kušnier.
Pieramovy startavali na fonie paviedamleńniaŭ ŚMI ab zhodzie Vašynhtona razbłakavać zamarožanyja iranskija aktyvy, a taksama abjavy Donalda Trampa ab pačatku apieracyi pa raźminiravańni Armuzskaha praliva, piša VVS.
Hałoŭny tupik — Armuzski praliŭ. Pavodle źviestak Financial Times, Iran nastojvaje na zachavańni poŭnaha kantrolu nad pralivam i spahnańni płaty z sudoŭ, tady jak ZŠA patrabujuć svabodnaha prachodu i raźminiravańnia.
Padčas pieramovaŭ iranskija ŚMI pisali, što ZŠA nibyta vyłučajuć «praźmiernyja patrabavańni» ŭ dačynieńni da Armuzskaha praliva i «nieprymalnyja patrabavańni pa šerahu inšych pytańniaŭ».
Jadziernaje pytańnie. Dla Vašynhtona klučavym zastajecca patrabavańnie poŭnaj admovy Tehierana ad jadziernych ambicyj.
Zamarožanyja aktyvy. Byli supiarečlivyja paviedamleńni ab tym, ci pahadzilisia ZŠA razbłakiravać iranskija hrošy ŭ bankach Katara. Aficyjnaha paćvierdžańnia hetamu niama.
MZS Irana paviedamiła, što baki dasiahnuli parazumieńnia pa šerahu punktaŭ, adnak pa niekalkich klučavych temach mierkavańni razyšlisia.
Asnoŭnaj pieraškodaj tam nazvali atmaśfieru ŭzajemnaha niedavieru. Pry hetym iranski bok adznačyŭ, što imhniennaha vyniku ad adnoj siesii nichto i nie čakaŭ, tamu dyjałoh budzie praciahvacca.
Situacyja ŭ Livanie
Iran źviazvaje pytańnie sudnachodstva ŭ Armuzskim pralivie z udarami Izraila pa Livanie. Tehieran patrabuje spynieńnia atak na Biejrut jak umovu pieramirja. U svaju čarhu Izrail za apošnija sutki nanios udary pa 200 abjektach «Chiezbały» i rychtujecca da pramych pieramovaŭ z uradam Livana ŭ Vašynhtonie na nastupnym tydni.
Ministr zamiežnych spraŭ Pakistana Muchamad Ischak Dar zaklikaŭ abodva baki praciahvać vykonvać režym spynieńnia ahniu, niahledziačy na adsutnaść finalnaha dakumienta. Pavodle jaho słoŭ, Pakistan praciahnie sadziejničać dyjałohu ŭ bližejšyja dni.
-
«Heta nie hłupstva, heta nianaviść». U Francyi pratestoŭcy padpalili ratušu XIX stahodździa VIDEA
-
«Sprabujem zrabić jak u Francyi». U Ałbanii piaty dzień sutyknieńni z palicyjaj, pratestoŭcy patrabujuć adstaŭki premjera
-
U Francyi pratesty supravadžajucca pahromami i padpałami. Zatrymali 1200 čałaviek
Ciapier čytajuć
Biełaruski kładaŭščyk sa svastykaj na plačy lačyŭsia ad ałkahalizmu ŭ Sibiry i pajšoŭ vajavać za Rasiju, a zastaŭsia biez vypłat i pracy11
Kamientary
Intieriesno, čto on napišiet, kohda irancy načnut topiť tankiery v Ormuzie i prodołžať biť po sauditam, omancam i katarcam ?