Zbornaja Biełarusi pa futbole ŭpeŭniena pieramahła kamandu Siryi ŭ tavaryskim matčy ŭ Minsku ź likam 4:1.
Biełarusy vyjšli napierad užo na 3‑j chvilinie sustrečy, kali paśla pieradačy z pravaha fłanha vyznačyŭsia Uładzisłaŭ Marozaŭ. Nieŭzabavie Arciom Kancavy padvoiŭ pieravahu haspadaroŭ.
Paśla pierapynku biełaruskaja kamanda praciahvała daminavać na poli. Na 48‑j chvilinie Arciom Šumanski dakładnym udaram z-za miežaŭ štrafnoj placoŭki zabiŭ treci hoł. Naprykancy matča vyznačyŭsia Jaŭhien Jabłonski, paśla čaho siryjcy zdoleli zabić miač prestyžu.
Heta była druhaja sustreča pamiž zbornymi Biełarusi i Siryi. Papiaredni matč adbyŭsia ŭ 2022 hodzie ŭ Dubai i taksama zaviaršyŭsia pieramohaj biełarusaŭ — 1:0.
Nastupny kantrolny matč zbornaja Biełarusi praviadzie 9 červienia ŭ Minsku suprać kamandy Burkina-Faso.
Sioleta kamanda Viktara Hančarenki vyjhrała ŭžo try tavaryskija sustrečy zapar. Raniej biełarusy pieramahli zbornyja Kipra (1:0) i Armienii (2:1).
Uvosień nacyjanalnaja kamanda vystupić u novym rozyhryšy Lihi nacyj UEFA, dzie jaje sapiernikami stanuć zbornyja Finlandyi, San-Maryna i Ałbanii.
Kamientary