U Kijevie abmiarkujuć, jak pieratvaryć padtrymku demakratyčnaj Biełarusi ŭ praktyčnaje partniorstva z Ukrainaj

Sioletniaja prahrama forumu skancentravanaja na tym, jak vajna Rasii suprać Ukrainy źmianiaje rehijon i jakoje miesca ŭ novaj sistemie biaśpieki mohuć zaniać demakratyčnaja Biełaruś i biełaruskija supolnaści.

Ci moža padtrymka Ukrainy biełaruskimi demakratyčnymi siłami i supolnaściami stać asnovaj paŭnavartasnaha partniorstva dźviuch krain? Čamu doŭhačakanaja sustreča Śviatłany Cichanoŭskaj i Uładzimira Zialenskaha nie dapamahła vyrašyć kankretnyja mihracyjnyja, bankaŭskija i sacyjalnyja prablemy biełarusaŭ va Ukrainie? Jakuju rolu biełarusy mohuć adyhryvać va ŭkrainskim hramadstvie — i jakuju adkaznaść niasuć pierad krainaj padčas vajny?

Udzielniki taksama abmiarkujuć, ci moža kultura stać častkaj supolnaha supraćdziejańnia «ruskamu śvietu», jak zrabić hołas antyvajennaj Biełarusi bolš čutnym va Ukrainie i kim biełaruskija dobraachvotniki mohuć stać dla Ukrainy ŭ doŭhaterminovaj pierśpiektyvie — tolki ŭdzielnikami siońniašniaj vajny ci častkaj bolš šyrokaha biełaruska-ŭkrainskaha supracoŭnictva ŭ śfiery biaśpieki?

Padčas forumu taksama buduć pradstaŭlenyja vyniki novych daśledavańniaŭ biełaruska-ŭkrainskich adnosin.

Arhanizatary zaprašajuć biełaruskija niezaležnyja miedyja dałučycca da aśviatleńnia padziei.

Akredytavacca možna tut.

Arhkamitet moža arhanizavać kamientary pradstaŭnikoŭ forumu i dapamahčy z padboram ekśpiertaŭ pa asobnych temach prahramy.

Kantakt dla ŚMI: [email protected] 

Forum Astrožskich — rehularnaja biełaruska-ŭkrainskaja ekśpiertnaja placoŭka, stvoranaja dla abmierkavańnia aktualnych prablem dvuchbakovych dačynieńniaŭ i vypracoŭki praktyčnych prapanoŭ dla ich vyrašeńnia. Tradycyjna mierapryjemstva prachodzić u dvuch častkach: palityčnaja častka adbyvajecca ŭ Kijevie, ekśpiertnaja — u Lvovie.

Forum abjadnoŭvaje ekśpiertaŭ, daśledčykaŭ, pradstaŭnikoŭ hramadzianskaj supolnaści i palityčnych instytutaŭ Biełarusi i Ukrainy. U asnovie jaho pracy — padtrymka terytaryjalnaj cełasnaści i suvierenitetu abiedźviuch krain, nieprymańnie rasijskaj ahresii i akupacyi, a taksama padtrymka demakratyčnaha raźvićcia i jeŭrapiejskaha vybaru Biełarusi i Ukrainy.

Rehistracyja dla ŭdzielnikaŭ — tut.

Forum arhanizujuć biełaruskija i ŭkrainskija arhanizacyi: Free Belarus Center, Rada źniešniaj palityki «Ukrainskaja pryzma», Ukrainski katalicki ŭniviersitet, Instytut «Palityčnaja śfiera», Centr «Jeŭrapiejski dyjałoh» i Centr jeŭrapiejskaj transfarmacyi pry padtrymcy Konrad Adenauer Stiftung, Friedrich-Ebert-Stiftung (FES) i Mižnarodnaha fondu «Adradžeńnie».

• 1
• 0
• 2
• 0
• 0
• 0
• 0
• 0