Heta słabačok u trecim dyvizijonie čempijanatu Ispanii.
Były hałoŭny trenier zbornaj Biełarusi ispaniec Karłas Ałos uznačaliŭ kłub «Chuvientud Teramalinas» (ispanski treci dyvizijon). Kantrakt zaklučany da kanca siezona, piša «Presboł».
Paśla 31 matča kłub z pravincyi Małaha nabraŭ 39 bałaŭ i zajmaje 14‑ie miesca ŭ turnirnaj tablicy, tolki na dva bały padniaŭšysia ad zony vyletu
Debiutnym dla 50‑hadovaha śpiecyjalista stanie matč 32‑ha tura — 12 krasavika jaho novaja kamanda syhraje ŭ haściach z «Ibicaj».
Ałos uznačalvaŭ zbornuju Biełarusi ŭ 2023—2025 hadach. Pad kiraŭnictvam ispanca naša nacyjanalnaja kamanda praviała 26 matčaŭ, u jakich atrymała 6 pieramoh, 10 razoŭ syhrała ŭničyju i paniesła 10 paraz.
Ałos da zbornaj Biełarusi treniravaŭ kazachstanski «Kajrat», marakanski «Far», «Katar SK», kiprski «Enosis» z dyvizijona B, zbornuju Ruandy.
Zaraz zbornuju Biełarusi pa futbole ŭznačalvaje Viktar Hančarenka.
Kamientary