Maładaja minčanka vyrašyła prajechać u mietro — ciapier try tydni chodzić na mylicach
Udzielnica studenckaha chora «Bratka biełarus» apublikavała post u tredsach pra toje, čym dla jaje skončyłasia pajezdka ŭ mietro. Pavodle słoŭ dziaŭčyny, jana atrymała takuju traŭmu, što dahetul nie moža ačuniać.
Biełaruska pad psieŭdanimam nes_teass raskazała pra toje, jak amal miesiac tamu vyrašyła pakarystacca minskim mietro. Vyhladaje, dziaŭčyna akazałasia adnoj z tych biełarusaŭ, chto paciarpieŭ ad turnikietaŭ.
Z toj padziei prajšoŭ užo amal miesiac:
«Ranicaj 10 žniŭnia, prykładna ŭ 9:40-9:50, ja zachodziła ŭ mietro na stancyi «Kamiennaja Horka». Prykłała prajazny [da validatara], usio jak zvyčajna, dačakałasia sihnała, jaki dazvalaje ruch. Vidać, turnikiet byŭ niaspraŭny, udaryŭ u nahu.
Usio b ničoha, ale praz hetaje zdareńnie ja dahetul chadžu na mylicach. Mnie ŭsiaho 19, jość vierahodnaść surjoznaha paškodžańnia mieniska».
Dziaŭčyna dadaje, što adzin z supracoŭnikaŭ mietro byŭ śviedkam taho, jak jana atrymała traŭmu. Ale ŭ adkaz nie sprabavaŭ dapamahčy, a prosta zrabiŭ žest rukoj — maŭlaŭ, prachodź.
U kamientarach biełaruska ŭdakładniaje, što maje ŭnutrysustaŭnuju hiematomu i šmat simptomaŭ. 6 vieraśnia joj zrobiać MRT — ekstranna trapić na abśledavańnie pakul nie atrymałasia. Dziaŭčyna spadziajecca, što tady i atrymaje tłumačeńnie svajho stanu.
Pra svaju biadu biełaruska napisała na poštu minskaha mietrapalitena, ale ŭ adkazie joj zahadali źviarnucca sa skarhaj praz partał Obraŝienija.bieł — maŭlaŭ, mietrapaliten nie prymaje skarhi praz poštu. Dziaŭčyna napisała skarhu i tudy: jaje zarehistravali, ale pakul nie adkazali.
Kali historyja zaciahniecca jašče bolej, dziaŭčynie, mahčyma, daviadziecca skarektavać svaje sceničnyja płany. Reč u tym, što jana vystupaje ŭ składzie chora «Bratka biełarus», jaki pracuje pry Minskim dziaržkaledžy inavacyjnych budaŭničych technałohij. Videa z tym choram zavirusiłasia ŭ sakaviku 2026-ha, kali ŭdzielniki «Bratki biełarusa» prosta ŭ minskim aŭtobusie praśpiavali narodnuju pieśniu «Jak pajdu ja ŭ novuju kaniušniu».
«Naša Niva» — bastyjon biełaruščyny
PADTRYMAĆ«Chaču choć adzin prypynak prajechać z vami!» Studencki chor vykanaŭ u aŭtobusie biełaruskuju narodnuju pieśniu — ludzi ŭ zachapleńni
Rasijskija strymiery iduć pieššu z Maskvy ŭ Minsk, kab pacisnuć ruku Łukašenku
Papa Leŭ XIV trapiŭ u śpis samych stylnych ludziej śvietu pa viersii viadomaha amierykanskaha časopisa
Ciapier čytajuć
U Minsku pradajuć dom na vadzie. Kolki prosiać za niezvyčajny abjekt na Čyžoŭskim vadaschoviščy?3
Kamientary
Ja, naprykład, da turnikietaŭ zaŭsiody staŭlusia s aściarohaj. I zakryvaju rukami ŭsio samaje cennaje na svaim arhaniźmie.
[Zredahavana]