Viktar Hančarenka sustreŭsia ź biełaruskim vunderkindam z madrydskaha «Reała» FOTAFAKT
Hałoŭny trenier zbornaj Biełarusi pa futbole Viktar Hančarenka sustreŭsia z nadzvyčaj talenavitym padletkam Alaksiejem Majoravym, jaki vučycca futbołu ŭ akademii madrydskaha «Reała» i rehularna źbiraje vodhuki zachapleńnia ad śpiecyjalistaŭ. Ich sumiesnaje fota apublikavali ŭ telehram-kanale Biełaruskaj fiederacyi futboła (ABFF)
«Pastajanny kantakt ź pierśpiektyŭnymi futbalistami, jakija ŭ budučyni zmohuć abaraniać honar našaj krainy na mižnarodnym uzroŭni — klučavaja častka stratehii raźvićcia biełaruskaha futboła na hety momant», — prakamientavała fota pres-słužba ABFF.
14‑hadovy Alaksiej užo dva hady zajmajecca ŭ struktury madrydskaha «Reała» i ličycca adnym z samych pierśpiektyŭnych jeŭrapiejskich vunderkindaŭ svajho pakaleńnia.
Alaksiej — unuk viadomaha ŭ minułym futbalista minskaha «Dynama» Alaksandra Kiścienia. U svaje 14 hadoŭ jon užo paśpieŭ papracavać u sistemach roznych kłubaŭ: minskaha «Dynama», «Minska», a taksama krychu pahulać u sistemie maskoŭskaha «Spartaka», paśla čaho pierajechaŭ u Ispaniju, dzie zajmaŭsia futbołam u škołach «Espańjoła» i «Sierdańjoły». Tam jaho i zaŭvažyli skaŭty ispanskich hrandaŭ — madrydskaha «Reała» i «Barsiełony», jakija navat spaborničali za toje, chto budzie šlifavać majsterstva ŭzychodziačaj zorki.
Ciapier čytajuć
Jamu vybili čatyry zuby, a paśla vykinuli z krainy. Ciapier byłoha palitviaźnia aryštavali ŭ Łatvii z šaściu mihrantami ŭ mašynie23
Kamientary
I dobra, što ŭ rašcy nie zatrymaŭsia.
Chłopiec svaim talentam buduje svaju budučyniu i baćki ŭkładajucca. Možna tolki pažadać pośpiechaŭ.
A stratehi z ABFF chaj iduć čarhovy list u padtrymku sipataha pišuć.