Tramp zajaviŭ pra płany źmianić režym na Kubie paśla taho, jak raźbiarecca ź Iranam
«U nas vielmi dobryja płany ŭ adnosinach da Kuby», — skazaŭ prezident ZŠA.
Vašynhton maje namier damahčysia źmieny palityčnaha režymu na Kubie i budzie zajmacca hetym paśla zaviaršeńnia vajny ź Iranam, zajaviŭ Donald Tramp.
«U nas vielmi dobryja płany ŭ adnosinach da Kuby. Ja dumaju, nam daviadziecca pazbavicca režymu, jaki byŭ vielmi žorstkim, vielmi niepryjemnym. My raźbiaromsia ź Isłamskaj Respublikaj Iran, i jak tolki heta budzie zroblena, pa darozie nazad my na karotki čas spynimsia, kab zaniacca hetym. My chočam im dapamahčy», — skazaŭ kiraŭnik Biełaha doma padčas razmovy z žurnalistami.
Na fonie hetych zajavaŭ Minfin ZŠA abviaściŭ pra ŭviadzieńnie novych sankcyj suprać pradstaŭnikoŭ kubinskaha kiraŭnictva.
Pad abmiežavańni trapili prezident Kuby Mišel Dyjas-Kaniel, členy jaho siamji, a taksama syn i ŭnuk byłoha kiraŭnika Kuby Raula Kastra — Alechandra Kastra Eśpin i Raul Alechandra Kastra Kalis.
Kamientary