Archieołahi zaviaršyli sioletnija raskopki na Miency. Što znajšli?
4 červienia, zaviaršylisia raskopki na Małym Haradziščy ŭ Minskim rajonie. Daśledčykam udałosia nie tolki znajści ŭnikalnyja artefakty, ale i atrymać važkija dokazy taho, što paśla razburalnaha pažaru žyćcio na hetym miescy nie spyniałasia amal try stahodździ, piša pristalica.by.
Sioleta daśledavalisia dva ŭčastki Małoha Haradzišča. Na pieršym archieołahi zrabili raskop na hłybini 2 mietraŭ, na druhim — 1,40—1,50 mietra. Pracaj studentaŭ Biełaruskaha dziaržaŭnaha ŭniviersiteta kultury i mastactvaŭ kiravaŭ zahadčyk adździeła archieałohii Siarednich viakoŭ i Novaha času Instytuta historyi NAN Biełarusi Andrej Vajciachovič.
Navukoviec pryznaŭsia, što nie čakaŭ takich vynikaŭ pa vynikach dvuchtydniovych daśledavańniaŭ.
«My vyśvietlili, jak pažar, [jaki datujecca XI stahodździem], suadnosicca z bolš poźnimi płastami. Ciapier upeŭniena možna kazać pra toje, što paśla pažaru ŭ XII, XIII i XIV stahodździach tut stajaŭ fieadalny siadzibny dvor, i jon funkcyjanavaŭ bieśpierapynna, — raskazaŭ Andrej Vajciachovič.
Z hłybini ziamli padniali šerah artefaktaŭ. Siarod ich — niekalki dziasiatkaŭ pradmietaŭ ź mietału, rańniesłavianskaja kieramika, bronzavyja padvieski, što śviedčyć pra zasialeńnie terytoryi słavianami. Asabliva kaštoŭnyja znachodki: nakaniečnik dzidy i siarebranaje skronievaje kolca, znojdzienaje ŭ apošni dzień pracy.
Asobnaj uvahi zasłuhoŭvajuć reštki spalenaj draŭlanaj talerki.
«Tut dreva nie zachoŭvajecca zusim, a ciapier źjaviłasia ŭnikalnaja mahčymaść pahladzieć draŭlany posud, jaki vykarystoŭvali ŭ Siaredniavieččy. My nie viedali naohuł pra isnavańnie takoha posudu na hetym pomniku», — adznačyŭ Andrej Vajciachovič.
Raźbiany posud užo znachodzicca na kansiervacyi.
Na hetym siezon pracy ŭ Haradziščy zakryli. Nastupnyja raskopki projduć tolki ŭ 2027 hodzie.
Pad Minskam archieołahi znajšli bieraściany posud XI stahodździa
Daśledčyki dziesiacihodździami pamylalisia nakont kaścioła ŭ Budsłavie. Archieałahičnyja znachodki abvierhli staryja teoryi
Tajamnica aršanskich padziamiellaŭ: školnik pravaliŭsia pad ziamlu i niečakana adkryŭ dla navukoŭcaŭ padziemny łabirynt
Ź leta pačniecca restaŭracyja Safijskaha sabora ŭ Połacku. Moža źmianicca i jahony vyhlad
Ciapier čytajuć
Hieroj Biełarusi Maryna Vasileŭskaja naradziła dačku ad kasmanaŭta Aleha Navickaha26
Kamientary