Na Małym haradziščy — na race Mienka — vučonyja Instytuta historyi NAN Biełarusi praciahvajuć raskopki.
U słoi pažaru, datavanym XI stahodździem, znojdzieny redkija dla rehijonu pradmiety pobytu, piša «Prystaličča».
Pracy na ŭročyščy Małoje haradzišča (vioska Haradzišča) pačalisia na minułym tydni.
Siońnia raskopki tut prachodziać pry ŭdziele studentaŭ Biełaruskaha dziaržaŭnaha ŭniviersiteta kultury i mastactvaŭ. Kiruje ekśpiedycyjaj zahadčyk adździeła archieałohii Siarednich stahodździaŭ i Novaha času Instytuta historyi NAN Biełarusi Andrej Vajciachovič.
U słoi mocnaha pažaru XI stahodździa archieołahi vyjavili frahmienty abpalenaj draŭlanaj talerki, kavałački bieraścianoha posudu.
Apošniaja znachodka — sapraŭdnaja redkaść dla našych šyrot. Biaresta redka zachoŭvajecca ŭ kulturnym słoi, ale pažar, jaki źniščyŭ pabudovu, zakansiervavaŭ arhaniku ŭ vyhladzie abpalennych astankaŭ.
«Dziaŭčatam i chłopcam treba budzie daśledavać hety ŭčastak litaralna pa santymietru. Kožny słoj ziamli — jak staronka letapisu», — prakamientavaŭ chod rabot Andrej Vajciachovič.
Ciapierašni siezon na Małym haradziščy praciahniecca dva tydni. Asablivaść hetaha siezona — pryciahnieńnie da raskopak studentaŭ profilnaha VNU. Maładyja daśledčyki na miescy znajomiacca ź mietodykaj palavoj archieałohii i dapamahajuć apracoŭvać znachodki.
Ciapier čytajuć
Kolkaść achviar vybuchu ŭ maskoŭskim elitnym restaranie na jubilei hienierała, jaki kamandavaŭ nastupam na Kijeŭ ź Biełarusi ŭ 2022-m, vyrasła da piaci čałaviek33
Kamientary
[Zredahavana]