Historyja viartańnia biełarusam zakładu za arendu kvatery ŭ Varšavie šakavała sacsietki — «adna na miljon»
«Pryjemnaja koma dla imihrantaŭ u Polščy zabiaśpiečana».
Hetaja historyja vyhladaje jak sapraŭdnaja fantastyka dla luboha imihranta ŭ Polščy, ale jana adbyłasia nasamreč. Biełaruskaja błohierka Ksienija Kiślak padzialiłasia ŭ sacsietkach historyjaj svaich siabroŭ.
Jak raskazvaje Ksienija, paśla čatyroch hadoŭ žyćcia ŭ adnoj z varšaŭskich kvater, para biełarusaŭ vyrašyła pierajechać u novaje žyllo. Jak heta časta byvaje siarod našych suajčyńnikaŭ, pakinuli jany paśla siabie kvateru ŭ idealnym stanie — navat lepšym, čym kali zasialalisia, raskazvaje Ksienija.
Ale sapraŭdny siurpryz čakaŭ ich napieradzie. Kaŭcyju (załoh) viarnuli całkam. Ksienija piša, što heta byŭ pieršy vypadak taki siarod znajomych. Dla mnohich ekspataŭ u Polščy heta ŭžo redki pośpiech.
Ale dalej — bolš. Viarnuli hrošy nie prosta tak, a z pracentami! Jak akazałasia, haspadar kvatery, palak pa imieni Artur, čatyry hady tamu nie pakłaŭ hrošy ŭ šufladku, a zakinuŭ kaŭcyju na bankaŭski depazit.
U vyniku biełarusy atrymali nazad usiu sumu razam z pracentami — ahułam 7100 złotych.
I jon nie pakinuŭ sabie pracent, a addaŭ usie hrošy. «Ja splu ci što?» — kamientuje Ksienija.
Reakcyja sacsietak była adnadušnaj: taki vypadak i taki haspadar — «adzin na miljon».
Ciapier čytajuć
Biełaruski kładaŭščyk sa svastykaj na plačy lačyŭsia ad ałkahalizmu ŭ Sibiry i pajšoŭ vajavać za Rasiju, a zastaŭsia biez vypłat i pracy10
Kamientary
A to kali ty žmiešsia, mniešsia, adčuvaješ, niby heta ty vinny, to i čałaviek dumaje, što niešta tam nie tak, niešta złamali darahoje.
Karaciej, biełarusy, chare być ciarpiłami, i ŭsio atrymajecca.
[Zredahavana]
Nikto nie budiet zamoračivaťsia, čtoby pozabotiťsia o dochodie dla postoronich, tiem boleje čto na bankovskij dochod ot procientov v bolšinstvie stran jesť nałoh, to jesť polak ostanietsia v ubytkie, jeśli otdast vsie procienty