Abmien prajšoŭ pa formule «185 na 185».
«Siońnia dadomu z rasijskaha pałonu viartajucca 185 ukrainskich abaroncaŭ. Razam z abaroncami viartajecca taksama adzin hramadzianin. Heta vajskoŭcy Uzbrojenych sił Ukrainy, Nacyjanalnaj hvardyi i Dziaržaŭnaj pamiežnaj słužby. Ranhi: sałdaty, siaržanty i aficery. Jany abaraniali našu krainu ŭ Maryupali i na «Azoŭstali», a taksama na Danieckim, Łuhanskim, Charkaŭskim, Chiersonskim, Zaparožskim, Sumskim, Kijeŭskim i Kurskim nakirunkach. Siarod ich jość tyja, chto viartajecca paśla mnohich hadoŭ rasijskaha pałonu, u jakim jany znachodzilisia jašče z 2022 hoda.
Dziakuj usim, chto robić heta mahčymym: kamandzie, jakaja zajmajecca abmienami, i našym partnioram. Asablivaja ŭdziačnaść vajskoŭcam, jakija papaŭniajuć naš abmienny fond — svajoj siłaj i vynikami na froncie jany zabiaśpiečvajuć viartańnie našych ludziej dadomu. Pracoŭny praces praciahvajecca. Viartańnie našych ludziej — niaźmienny pryjarytet Ukrainy. Kožny dzień my pracujem nad tym, kab vyzvalić kožnaha ŭkrainca i ŭkrainku z pałonu», — napisaŭ u svaim telehram-kanale Uładzimir Zialenski.
Zialenski nazvaŭ, jakija retranślatary na miažy i biełaruskija pradpryjemstvy chvalujuć Ukrainu36
Kamientary