Pusty ŭčastak u pryharadzie Minska pradali za 192 tysiačy dalaraŭ
Siońnia adbyŭsia aŭkcyjon pa prodažy ziamielnych učastkaŭ u pryvatnuju ŭłasnaść dla budaŭnictva žyłych damoŭ i viadzieńnia asabistaj padsobnaj haspadarki ŭ Minskim i Biarezinskim rajonach. Pra jaho vyniki piša Realt.
Usiaho na aŭkcyjon byli vystaŭleny 23 učastki, ź ich 22 — u Minskim rajonie i 1 — u Biarezinskim.
Baraŭlanski sielsaviet prapanavaŭ na aŭkcyjon 5 učastkaŭ.
Dva nadzieły ŭ Laskoŭcy na vulicy Ščaślivaj, 17A i 17B majuć płošču pa 22 sotki. Ich vystavili na tarhi pa adnolkavaj pačatkovaj canie — pa 250 000 rubloŭ. Da budučych damoŭ možna padvieści elektryčnaść i haz.
Na pieršy łot padali 5 zajavak. Jaho pradali za 535 897 rubloŭ (192 326 dalaraŭ pa kursie Nacbanka).
Na druhi łot pastupiła 7 zajavak. Jaho kupili za 536 000 rubloŭ (192 363 dalary).
Učastak u Malinaŭcy na vulicy Centralnaj, 65B maje 12 sotak, tam taksama jość elektryčnaść i haz. Na jaho pretendavali 3 čałavieki. Pry startavaj canie 150 000 rubloŭ nadzieł pradali za 215 000 rubloŭ (77 160 dalaraŭ).
Pa samaj vysokaj pačatkovaj canie — za 306 342 rubli — byŭ vystaŭleny vialiki ŭčastak (25 sotak) z elektryčnaściu i hazam u vioscy Valarjanava. Na jaho padali adnu zajaŭku. Łot pradali adzinamu zajaŭniku za 321 659 rubloŭ (115 439 dalaraŭ).
Kałodziščanski sielsaviet prapanavaŭ na aŭkcyjon dva ziamielnyja nadzieły.
Adzin učastak raźmieščany ŭ pasiołku Haradzišča na vulicy Cianistaj, 19A. Płošča nadzieła składaje 14 sotak, jość mahčymaść padviadzieńnia elektryčnaści i hazu. Kupić učastak pažadali 5 čałaviek. Pry pačatkovaj canie 80 500 rubloŭ łot pradali za 172 559 rubloŭ (61 929 dalaraŭ).
Druhi ziamielny nadzieł znachodzicca ŭ ahraharadku Kałodziščy na vulicy Sierabrystaj, 33. Jon naličvaje 16 sotak, abstalavany elektryčnaściu, hazam i vodapravodam. Jaho vystavili na tarhi za 150 000 rubloŭ. Na łot pastupiła 10 zajavak.
U vyniku jaho pradali za 475 000 rubloŭ (170 471 dalar).
Bolš padrabiaznuju infarmacyju ab łotach i vynikach prodažaŭ učastkaŭ hladzicie ŭ tablicy.
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3333
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?33
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1313
Kamientary