Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu
Lidarka biełaruskich demsił prakamientavała ŭ svaim telehram-kanale ŭdar bieśpiłotnikam pa aŭtobusie ź biełaruskimi junymi futbalistami ŭ Branskaj vobłaści.
«Majo serca z usimi paciarpiełymi i ich rodnymi, Dzieci i darosłyja, što byli pobač ź imi, — niavinnyja achviary. Hetuju vajnu raspačała Rasija. Jana — ahresar, i mienavita jana niasie hałoŭnuju adkaznaść za kožnuju śmierć i kožnaje ranieńnie, źviazanyja z hetaj vajnoj. Ale vinavatyja i tyja pradstaŭniki dziaržavy, chto biezadkazna adpraviŭ dziaciej praz pryhraničnuju zonu vajennych dziejańniaŭ», — paviedamiła jana.
Pa słovach Cichanoŭskaj, heta nie «vypadkovaść», a kankretnaje rašeńnie kankretnych ludziej pry ŭładzie, jakija abyjakava adnieślisia da taho, jak dzieci patrapiać na adpačynak.
«I vinavataja biełaruskaja dziaržaŭnaja prapahanda, jakaja hadami zamoŭčvaje praŭdu pra vajnu i saŭdzieł u joj režymu Łukašenki, kab stvaryć fejkavuju karcinku «mirnaha nieba» i biaśpieki. Ja zaklikaju vas: bieražycie siabie i svaich blizkich. Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu. Biaśpieka nadydzie tolki tady, kali Rasija spynić hetuju vajnu», — skazała Śviatłana Cichanoŭskaja.
Dron prylacieŭ siońnia ŭ aŭtobus kamandy DIUSŠ №2 Rečycy, jakuju pavieźli na adpačynak u Hielendžyk u Krasnadarskim krai Rasii.
Pavodle paviedamleńnia kiraŭnika Branskaj vobłaści Jahora Kavalčuka, u aŭtobusie jechała dziciačaja futbolnaja kamanda.
U vyniku vybuchu zahinuła žonka treniera Rečyckaj DIUSŠ, jakaja supravadžała dziaciej.
Miascovyja ŭłady zajaŭlajuć, što ŭsich paciarpiełych apieratyŭna dastavili ŭ balnicu, dzie miedyki akazvajuć im nieabchodnuju dapamohu. Pra stan paranienych dziaciej pakul nie viadoma.
Ciapier čytajuć
U Homieli za palityku asudzili kiraŭnika abjadnańnia, jakoje šukaje pareštki achviaraŭ vajny i stalinskich represij, i jaho žonku-miedsiastru8
Kamientary
Ale łukašysty zrobiać vid što ničoha nie adbyłosia, jašče i zvolniać treniera za prahuł paśmiarotna.
Pierakład: Žančyny nie ryzykujcie stać achviaraj hvałtu - nie chadzicie nočču pa ciomnym vulicam!
Maskovija niebiaśpiečnaja kraina.
Maskovija viadzie złačynnuju vajnu suprać susiedki Ukrainy.