Sinoptyk Dźmitryj Rabaŭ papiaredziŭ, što na tydni z 7 da 13 vieraśnia nadvorje ŭ Biełarusi budzie niaŭstojlivym. Pa jaho słovach, vierasień praciahnie vypraboŭvać biełarusaŭ: tempieratura budzie vahacca ad amal letniaj da sapraŭdnaj vosieńskaj prachałody.
U siarednim tempieraturny režym zastaniecca ŭ miežach klimatyčnaj normy. Adnak ciaham tydnia čakajucca daždžy, tuman i paryvisty viecier. Najbolš niepahodlivymi, pavodle prahnozu, buduć siaredzina tydnia i jaho druhaja pałova.
U paniadziełak, 7 vieraśnia, Biełaruś apyniecca pad upłyvam antycykłonu. Budzie pieramiennaja vobłačnaść, apadkaŭ nie čakajecca, ale ranicaj miescami mahčymy tuman. Nočču tempieratura składzie ad +7 da +12 hradusaŭ, udzień — ad +16 da +21.
U aŭtorak, 8 vieraśnia, taksama budzie pieravažna sucha. Viecier budzie paŭdniova-zachodnim. Nočču čakajecca ad +6 da +11 hradusaŭ, dniom — ad +18 da +25. Na ŭschodzie krainy budzie chaładniej, a najciaplej — u Bresckaj vobłaści.
U sieradu, 9 vieraśnia, u zachodniuju častku Biełarusi pryjdzie chałodny front z boku Polščy. Jon pryniasie daždžy i navalnicy. Nočču budzie ad +9 da +14 hradusaŭ, dniom — ad +19 da +25. Na poŭdni krainy pavietra moža prahrecca da +28.
U čaćvier, 10 vieraśnia, čakajecca vobłačnaje nadvorje i daždžy ŭ bolšaści rajonaŭ. Nočču tempieratura budzie ad +10 da +15 hradusaŭ. Udzień — ad +11 da +25 hradusaŭ. Najchaładniej budzie na paŭnočnym zachadzie, a ciaplej — na paŭdniovym uschodzie.
U piatnicu, 11 vieraśnia, daždžy achopiać usiu terytoryju krainy. Ich budzie supravadžać paryvisty viecier. Nočču tempieratura składzie ad +8 da +13 hradusaŭ, udzień — ad +14 da +19. U Homielskaj vobłaści pavietra moža prahrecca da +23.
U subotu, 12 vieraśnia, Biełaruś zakranie jašče adzin atmaśfierny front, jaki pryniasie karotkačasovyja daždžy. Nočču budzie ad +9 da +13 hradusaŭ, udzień — ad +12 da +17. Na zachadzie krainy paciapleje da +20.
U niadzielu, 13 vieraśnia, istotnych źmien u nadvorji nie čakajecca. Prahnazujucca daždžy, miescami mocnyja, a taksama navalnicy i paryvisty viecier. Nočču tempieratura składzie ad +7 da +12 hradusaŭ, udzień — ad +14 da +19.
Takim čynam, nastupny tydzień budzie davoli kantrasnym: jaho pačatak pryniasie suchoje i adnosna ciopłaje nadvorje, a ź siaredziny tydnia pačniecca bolš vosieński pieryjad z daždžami, vietram i panižeńniem tempieratury.
Ciapier čytajuć
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki2525
Kamientary