U Minsku płanujuć pačać budaŭnictva novaha žyłoha rajona Zialony Bor. Jon raźmieścicca za Minskaj kalcavoj aŭtamabilnaj darohaj u Partyzanskim rajonie.
Jak raskazaŭ staršynia Minharvykankama Uładzimir Kucharaŭ, u novym rajonie płanujuć pabudavać bolš za 4 miljony kvadratnych mietraŭ žylla. Pry hetym asnoŭnaja častka zabudovy budzie pryznačanaja nie dla kamiercyjnaha prodažu, a dla hramadzian, jakija majuć patrebu ŭ palapšeńni žyllovych umoŭ, rabotnikaŭ sacyjalnaj śfiery i šmatdzietnych siemjaŭ.
Akramia taho, u Zialonym Bary źbirajucca pabudavać značnuju kolkaść arendnaha žylla.
Prajekt raźličany prykładna na 10—12 hadoŭ. Pa słovach Kucharava, jaho realizacyja dazvolić horadu ŭ najbližejšyja hady vykonvać sacyjalnyja abaviazacielstvy pa zabieśpiačeńni žyllom adpaviednych katehoryj hramadzian.
Pry hetym kamiercyjnaje žyllo ŭ Minsku taksama buduć budavać, ale jaho abjomy płanujuć skaračać. Siarod bujnych prajektaŭ stalicy staršynia Minharvykankama nazvaŭ zaviaršeńnie zabudovy rajona «Minsk-Śviet», raźvićcio kvartała «Paŭnočny bierah» i haradoŭ-spadarožnikaŭ.
Taksama płanujecca novy budaŭničy prajekt kala Zasłaŭja. Dla jaho realizacyi spatrebicca pierabudova pracy budaŭničaha kompleksu stalicy.
Ciapier čytajuć
Kala płoščy Banhałor u Minsku vyras jašče adzin zvyšsakretny abjekt11
Kala płoščy Banhałor u Minsku vyras jašče adzin zvyšsakretny abjekt
«Kali b ja byŭ śledčym KDB, ja b padkreśliŭ toje samaje». Fiaduta — pra schavanyja sensy «Kałasoŭ pad siarpom tvaim», uvahu siłavikoŭ da svajho rukapisu i zahadku z treciaj častkaj ramana Karatkieviča1212
Kamientary