Dziaciej-futbalistaŭ z Rečycy pavieźli ŭ Hielendžyk pa pryfrantavoj vobłaści Rasii. U aŭtobus trapiŭ bieśpiłotnik
Dron prylacieŭ u aŭtobus kamandy DIUSŠ №2 Rečycy, jakuju pavieźli na adpačynak u Hielendžyk.
Pavodle paviedamleńnia kiraŭnika rehijona Jahora Kavalčuka, u Branskaj vobłaści Rasii pad udar drona trapiŭ aŭtobus, u jakim jechała dziciačaja futbolnaja kamanda. Dzieci nakiroŭvalisia na adpačynak u Hielendžyk. SK RF udakładniaje, što aŭtobus jechaŭ pa trasie Homiel — Bransk. Pieršapačatkova paviedamlałasia, što kamanda homielskaja, ale paźniej źjaviłasia ŭdakładnieńnie, što kamanda z Rečycy.
U vyniku vybuchu zahinuła žančyna, jakaja supravadžała dziaciej. Ci ź Biełarusi jana, nie paviedamlajecca.
Ranieńni atrymali šeść čałaviek, u tym liku — čaćviora niepaŭnaletnich spartsmienaŭ.
Miascovyja ŭłady zajaŭlajuć, što ŭsich paciarpiełych apieratyŭna dastavili ŭ balnicu, dzie miedyki akazvajuć im nieabchodnuju dapamohu. Pra stan paranienych dziaciej pakul nie viadoma.
U aŭtobusie znachodzilisia 44 pasažyry, u tym liku 28 dziaciej, paviedamlaje SK RF.
«Astatnija pasažyry ŭ bližejšy čas buduć viernutyja dadomu», — havorycca ŭ paviedamleńni.
MZS Biełarusi prainfarmavany pra zdareńnie, infarmacyja ŭdakładniajecca, paviedamili ŭ viedamstvie.
«Ciapier mnie čužaja sama kancepcyja ŭžyć niešta, čaho ty nie viedaješ». Vialikaja hutarka ź Ivanam Šyłam pra biznes, zarablańnie z dapamohaj ŠI, žančyn i botaks15
Kamientary
Pra arhanizataraŭ i movy niama - heta złačyncy.