Pry hetym va ŭrada ŭ Tehieranie ŭzrasła ŭpeŭnienaść u mahčymaści atakavać celi na Blizkim Uschodzie.
Iran nie hatovy da zaklučeńnia mirnaha pahadnieńnia z ZŠA i maje namier praciahvać vajnu ŭ bližejšyja miesiacy. Pry hetym va ŭrada ŭ Tehieranie ŭzrasła ŭpeŭnienaść u mahčymaści atakavać celi na Blizkim Uschodzie. Pra heta śviedčać dadzienyja amierykanskaj raźviedki za apošnija niekalki tydniaŭ, piša The New York Times.
«Šmat u čym takaja acenka adlustroŭvaje situacyju, jakaja nazirajecca na miescach paśla adnaŭleńnia bajavych dziejańniaŭ, jakomu papiaredničaŭ pieryjad adnosnaha spakoju, — kanstatujuć žurnalisty. — Za apošnija tydni Iran atakavaŭ sudny ŭ Armuzskim pralivie i amierykanskija vojski ŭ rehijonie, a Uzbrojenyja siły ZŠA nanosili ŭdary pa terytoryi Irana, zabivajučy vajskoŭcaŭ i hramadzianskich asob».
Jak raspaviali vydańniu krynicy, aznajomlenyja z dakładam raźviedki, «iranski ŭrad, jaki prytrymlivajecca žorstkaha kursu, moža razvažać nad mahčymaściu značnaj eskałacyi».
Pry hetym siońnia, praz paŭhoda paśla pačatku vajny, jakaja to zacichała, to znoŭ razharałasia, Iran značna lepš, čym raniej, uśviedamlaje svaju vajennuju moc i bolš upeŭnieny ŭ svaich mahčymaściach, ličać krynicy NYT.
Pavodle acenki byłych i dziejnych amierykanskich čynoŭnikaŭ, ź jakimi aŭtary razmaŭlali na hetuju temu, dasiahnuć pahadnieńnia, jakoje dazvoliła b kančatkova zaviaršyć vajnu ZŠA i Izraila suprać Irana, budzie składana.
«Mała što śviedčyć na karyść taho, što Iran hatovy zaklučyć z ZŠA jakoje-niebudź pahadnieńnie, budučy zadavolenym abvastreńniem palityčnych prablem prezidenta ZŠA Trampa napiaredadni pramiežkavych vybaraŭ u ZŠA», — pieradaje vydańnie mierkavańnie svaich surazmoŭcaŭ.
Što tyčycca ekanamičnych sankcyj, jakija, jak spadziajecca Tramp, prymusiać Tehieran pajści na sastupki ŭ pytańni kantrolu nad Armuzskim pralivam i jadziernaj prahramaj Irana, to ŭ karotkaterminovaj pierśpiektyvie jany, vierahodna, pryviaduć tolki da eskałacyi, miarkujuć amierykanskija čynoŭniki, aznajomlenyja z dakładam raźviedki.
-
U Hiermanii pačaŭsia sud nad ukraincam, jakoha abvinavačvajuć u padryvie «Paŭnočnaha patoku»
-
Inžynier OpenAI staviŭ žučki ŭ ofisie kampanii. Jaho zatrymała FBR, ale pakul niajasna, na kaho jon pracavaŭ
-
Novaja pres-sakratarka Trampa praviała pieršy bryfinh — i ŭ Biełym domie ŭžo sumniavajucca, ci doŭha jana pratrymajecca
Ciapier čytajuć
U Minsku pradajuć dom na vadzie. Kolki prosiać za niezvyčajny abjekt na Čyžoŭskim vadaschoviščy?3
Kamientary