Unačy ŭkrainskija bieśpiłotniki atakavali Maskvu i Maskoŭskuju vobłaść. Pavodle paviedamleńniaŭ vidavočcaŭ, u roznych rajonach rasijskaj stalicy pačalisia pažary, nad horadam uźniaŭsia husty dym.
Rasijskija ŭłady paviedamili, što na padlocie da Maskvy było pierachoplena 137 bieśpiłotnikaŭ.
Niekalkim bieśpiłotnikam udałosia dasiahnuć Maskoŭskaha naftapierapracoŭčaha zavoda ŭ Kapotni na paŭnočnym uschodzie horada.
Žychary Kapotni, a taksama susiednich rajonaŭ skardziacca na «amal čornaje nieba».
U Žukoŭskim — horadzie na paŭdniovym uschodzie ad Maskvy — bieśpiłotnik trapiŭ u šmatpaviarchovy žyły dom. Paškodžany siomy padjezd na 25‑m paviersie, kala vychadu na pažarnuju leśvicu. Dźvie bałkonnyja plity abrynulisia. Pavodle papiaredniaj infarmacyi, abyšłosia biez paciarpiełych.
Abłomki adnaho z dronaŭ upali na terytoryju handlovaha centra «Sadavod» u Maskvie, paškodziŭšy adzin z budynkaŭ.
U Kacielnikach paśla padzieńnia abłomkaŭ zahareŭsia dach handlovaha centra «Biełaja Dača».
Nastupstvy ataki taksama adznačanyja ŭ Čechavie, Krukavie, Elektrastali i Paŭłaŭskim Pasadzie — nasielenych punktach Maskoŭskaj vobłaści. Pavodle papiarednich źviestak, tam abyšłosia biez paciarpiełych.
Na Biasiedzinskaj šašy na paŭdniovym uschodzie Maskvy rankam utvaryŭsia vialiki zator.
Praz ataku bieśpiłotnikaŭ va ŭsich aeraportach Maskvy admieniena i zatrymana 527 rejsaŭ.
Kamientary
Macskva shorieła cielikom
Požar na płoŝadi na Krasnoj
I tlejet byvšij iźbirkom...