Уначы ўкраінскія беспілотнікі атакавалі Маскву і Маскоўскую вобласць. Паводле паведамленняў відавочцаў, у розных раёнах расійскай сталіцы пачаліся пажары, над горадам узняўся густы дым.
Расійскія ўлады паведамілі, што на падлёце да Масквы было перахоплена 137 беспілотнікаў.
Некалькім беспілотнікам удалося дасягнуць Маскоўскага нафтаперапрацоўчага завода ў Капотні на паўночным усходзе горада.
Жыхары Капотні, а таксама суседніх раёнаў скардзяцца на «амаль чорнае неба».
У Жукоўскім — горадзе на паўднёвым усходзе ад Масквы — беспілотнік трапіў у шматпавярховы жылы дом. Пашкоджаны сёмы пад'езд на 25‑м паверсе, каля выхаду на пажарную лесвіцу. Дзве балконныя пліты абрынуліся. Паводле папярэдняй інфармацыі, абышлося без пацярпелых.
Абломкі аднаго з дронаў упалі на тэрыторыю гандлёвага цэнтра «Садавод» у Маскве, пашкодзіўшы адзін з будынкаў.
У Кацельніках пасля падзення абломкаў загарэўся дах гандлёвага цэнтра «Белая Дача».
Наступствы атакі таксама адзначаныя ў Чэхаве, Крукаве, Электрасталі і Паўлаўскім Пасадзе — населеных пунктах Маскоўскай вобласці. Паводле папярэдніх звестак, там абышлося без пацярпелых.
На Бяседзінскай шашы на паўднёвым усходзе Масквы ранкам утварыўся вялікі затор.
Праз атаку беспілотнікаў ва ўсіх аэрапортах Масквы адменена і затрымана 527 рэйсаў.
Дзе працуюць і як выглядаюць жонкі топ-чыноўнікаў?16
Дзе працуюць і як выглядаюць жонкі топ-чыноўнікаў?
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1111
Каментары
Мацсква сгорела целиком
Пожар на площади на Красной
И тлеет бывший избирком...