Rasijanka nie zmahła raspłacicca rasijskaj kartaj u minskaj kaviarni. U vyniku za jaje zapłacili minčuki
«Pryvykajcie, heta Biełaruś».
Rasijanka Darja raskazała ŭ Threads pra vypadak, jaki zdaryŭsia ź joj ŭ biełaruskaj kaviarni.
«Zajšli ŭ kaviarniu ŭ Minsku, zamovili, a apłacić nie možam. Karta «Mir» nie prachodzić, tolki najaŭnyja abo praź miascovuju sistemu. Užo pačali sychodzić.
I tut dziaŭčyna za susiednim stolikam prapanuje apłacić za nas. Barysta padchoplivaje: «Davajcie vy 7 rubloŭ, i ja 7 rubloŭ».
Staim u šoku. Dziaŭčyna takaja: «Pryvykajcie, heta Biełaruś»», — apisała historyju Darja.
Jana dadała, što barysta paprasiła ŭ sacsietkach raspavieści pra hety vypadak — heta było ŭ kaviarni «Kifa» pry Pietra-Paŭłaŭskim sabory.
Paśla dziaŭčyna ŭdakładniła, što jany źniali hatoŭku i zanieśli za svaju kavu. A karta «Mir», jakaja prymajecca ŭ Biełarusi, tam nie pracavała, bo kafe prymała apłatu praz ARIP abo najaŭnymi.
Ciapier čytajuć
«Biada, na vialiki žal, užo stupaje na paroh Siniavokaj». Ultymatum Zialenskaha Łukašenku: što budzie dalej?74
Kamientary
Siońnia ty im dapamoh, zaŭtra jany pierajechali, a paślazaŭtra pačnuć patrabavać kab usio było 'na ruskam jazykie' i lamantavać 'pucien pamahi!'.