Mnohija zaŭziatary zaŭvažyli adnu cikavuju detal ciapierašniaha čempijanatu śvietu: ružovyja bucy litaralna zapałanili turnir. Praktyčna ŭ kožnym matčy na poli možna ŭbačyć hulcoŭ u jarkim abutku.
Pryčyna ŭ tym, što najbujniejšyja vytvorcy ekipiroŭki — Nike, Adidas i Puma — hetym letam zrabili staŭku mienavita na ružovy koler. Kampanii tradycyjna vykarystoŭvajuć čempijanat śvietu jak hałoŭnuju vitrynu dla novych madelaŭ, a bolšaść futbalistaŭ abaviazanyja nasić bucy brendaŭ, ź jakimi ŭ ich zaklučanyja kantrakty, piša «Trybuna».
U Nike tłumačać vybar prosta. Pavodle słoŭ pradstaŭnika kampanii Adzinhi Nimaka, daśledavańni pakazali, što spartsmieny adčuvajuć siabie bolš upeŭniena ŭ jarkim abutku.
«My pastajanna čujem ad spartsmienaŭ, asabliva kali havorka idzie pra važnyja momanty, što jarkija kolery dadajuć im upeŭnienaści, tamu heta stała našaj adpraŭnoj kropkaj. Ružovy — adzin z takich koleraŭ».
Adnak jość i vyklučeńni. Naprykład, Lijanel Miesi zabiŭ svoj histaryčny pieršy chiet-tryk na čempijanacie śvietu ŭ bieła-błakitnych bucach Adidas El Ultimo Tango.
A dla Kryšcijanu Ranałdu Nike stvaryła śpiecyjalnyja całkam załatyja bucy, adnak na pieršy matč na hetym mundyjale partuhalec u ich nie vyjšaŭ.
Ciapier čytajuć
Na aŭtašou ŭ Lidzie ledź nie zahinuŭ adzin z samych znakamitych kaskadzioraŭ Biełarusi — jaho videa sabrali amal paŭmiljarda prahladaŭ. Što ź im ciapier?88
Kamientary