Minsk pahražaje Kijevu «dziejańniami ŭ adkaz» paśla zdareńnia z aŭtobusam u Branskaj vobłaści
Biełaruś pakidaje za saboj prava pryniać miery ŭ dačynieńni da Ukrainy dla abarony žyćcia svaich hramadzian, ale ŭciahnuć siabie ŭ vajennyja dziejańni nie dazvolić. Pra heta zajaviŭ pastajanny paŭnamocny pradstaŭnik Biełarusi pry SND Ihar Nazaruk.
Nazaruk padkreśliŭ, što Minsk rasceńvaje toje, što adbyłosia z aŭtobusam u Branskaj vobłaści, jak naŭmysnuju pahrozu biaśpiecy svaich ludziej, i hatovy vykarystać usie dastupnyja instrumienty dla reahavańnia.
Što majecca na ŭvazie, čynoŭnik nie ŭdakładniŭ, ale dadaŭ, što Biełaruś nie dazvolić uciahnuć krainu ŭ naŭprostavyja vajennyja dziejańni.
Nazaruk padkreśliŭ, što reakcyja Minska budzie strymanaj, ale rašučaj. «Chaču skazać, što Respublika Biełaruś hetym teraktam nie spužajecca, nas nie ŭciahnuć u niejkija vajennyja dziejańni. Ale rašučy adpor [budzie]. U nas jość i siły, i srodki, i mahčymaści. Ja vieru, što my budziem dziejničać spakojna, ale pry hetym žorstka i ŭ intaresach nie tolki nacyjanalnych, ale i ŭ intaresach miru ŭ rehijonie Vialikaj Jeŭrazii», — skazaŭ jon.
17 červienia, pa viersii rasijskaha boku, ukrainski bieśpiłotnik samalotnaha typu atakavaŭ u Branskaj vobłaści Rasii aŭtobus, jaki vioz dziciačuju futbolnuju kamandu ź Biełarusi ŭ Hielendžyk na adpačynak. U vyniku ŭdaru zahinuła žančyna, jašče vosiem čałaviek atrymali ranieńni. Adzin dzicionak i adzin darosły znachodziacca ŭ ciažkim stanie. Ukrainski bok dačynieńnie da ataki admaŭlaje.
-
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było
-
20‑hadovaha minčuka zatrymali pierad tym, jak jon paśpieŭ pradać pieršuju dozu narkotyku 16‑hadovaj dziaŭčynie
-
U Mahilovie staŭ pracavać adkryty skaładrom. Jon samy vysoki ŭ Biełarusi
Zialenski: Retranślatary na miažy Biełarusi prypynili pracu69
Zialenski: Retranślatary na miažy Biełarusi prypynili pracu
U Vialikaj Miadźviadcy adšukali mahiłu brata Ihnata Damiejki. Pahladzicie, jak spaskudzili carkvu pobač, jakuju naviedvaŭ suśvietna viadomy navukoviec1111
Kamientary
O jak - Vialikaj Jeŭrazii !!!!!
Jak kazaŭ hieroj słavutaha ramana Mastier i Marharita - Hotovo dieło, biełaja horiačka