Maskoŭski naftapierapracoŭčy zavod, vierahodna, nie ŭdasca poŭnaściu adnavić da kanca 2026 hoda. Pra heta paviedamlaje Reuters sa spasyłkaj na dźvie krynicy ŭ naftavaj halinie.
Pavodle infarmacyi ahienctva, paškodžańni, naniesienyja padčas ukrainskaj ataki 18 červienia, byli nastolki surjoznymi, što na adnaŭleńnie pradpryjemstva moža spatrebicca nie mienš za šeść miesiacaŭ.
Raniej spadarožnikavyja zdymki pakazali značnyja paškodžańni klučavych vytvorčych abjektaŭ zavoda, u tym liku kambinavanaj ustanoŭki pierapracoŭki nafty, jakaja ličycca asnoŭnym elemientam pradpryjemstva, a taksama druhoj ustanoŭki pieršasnaj pierapracoŭki.
Jašče da hetaha ŭ vyniku papiarednich atak była vyviedziena sa stroju pieršaja ŭstanoŭka pieršasnaj pierapracoŭki nafty, jakaja zabiaśpiečvała kala pałovy vytvorčych mahutnaściaŭ zavoda.
Maskoŭski NPZ maje prajektnuju mahutnaść kala 12 miljonaŭ ton nafty na hod i da niadaŭniaha času pakryvaŭ prykładna 40% patreb rasijskaj stalicy ŭ palivie.
Pry hetym Reuters nie ŭdakładniaje, ci mahčyma častkovaje adnaŭleńnie pracy pradpryjemstva da zaviaršeńnia poŭnaha ramontu.
Rasija pierakinuła dla abarony Maskvy kompleksy SPA z frontu
Ciumienskuju vobłaść upieršyniu atakavali ŭkrainskija bieśpiłotniki, metaj byŭ NPZ
Ataka na NPZ u Maskvie — jak «najlepšaja SPA ŭ Rasii» prapuściła ŭdar pa stalicy?
Svaimi ž rukami. Kryšku reziervuara Maskoŭskaha NPZ mahła padarvać rasijskaja rakieta SPA
Maskoŭski naftapierapracoŭčy zavod haryć prynamsi ŭ piaci miescach paśla ŭdaraŭ ukrainskich bieśpiłotnikaŭ
Ukrainskija bieśpiłotniki atakavali Maskoŭski NPZ
Kamientary