Kanada i Šviejcaryja vyjšli ŭ płej-of mundyjalu napramuju, Bośnija i Hiercahavina zachoŭvaje šancy
U hrupie B čempijanatu śvietu pa futbole 2026 hoda prajšli zaklučnyja matčy, jakija vyśvietlili, chto praciahnie baraćbu dalej, a chto na hetaj stadyi mundyjal pakidaje.
Zbornaja Šviejcaryi pieramahła haspadaroŭ turniru — zbornuju Kanady — ź likam 2:1. Sustreča prajšła ŭ Vankuviery na stadyjonie «Bi-Si Płejs».
U pieršym tajmie kamandy nie zmahli adkryć lik. A ŭžo adrazu paśla pierapynku, na 46‑j chvilinie, šviejcarcy vyjšli napierad dziakujučy dakładnamu ŭdaru Rubiena Varhasa paśla pieradačy z fłanha. Na 57‑j chvilinie pieravahu jeŭrapiejskaj kamandy pavialičyŭ Žaan Manzambi, jaki zabiŭ druhi hoł.
Kanadcy nie zdalisia i praciahvali šukać mahčymaści dla ataki. Na 76‑j chvilinie napadnik Promis Devid skaraciŭ adstavańnie, ale vyratavać matč haspadaram turniru nie ŭdałosia.
Paśla hetaj pieramohi Šviejcaryja nabrała siem ačkoŭ i zaniała pieršaje miesca ŭ hrupie B, upeŭniena vyjšaŭšy ŭ płej-of. Kanada z čatyrma ačkami zastałasia druhoj, ale taksama atrymała pucioŭku ŭ 1/16 finału.
U toj ža čas zbornaja Bośnii i Hiercahaviny zaviaršyła vystupleńnie na hrupavym etapie čempijanatu ŭ hetaj hrupie pieramohaj nad Kataram ź likam 3:1, adnak hetaha nie chapiła, kab padniacca vyšej za treciaje miesca ŭ hrupie B.
Matč adbyŭsia ŭ Sietle na stadyjonie «Lumien Fiłd». Lik na 29‑j chvilinie adkryŭ Kierym-Sam Ałajbiehavič. Praź piać chvilin abaronca katarskaj zbornaj Sułtan Al-Brakie zrezaŭ miač va ŭłasnyja varoty, i pieravaha baśnijcaŭ pavialičyłasia da dvuch hałoŭ. Pierad pierapynkam Chasan Al-Chajdas skaraciŭ adstavańnie Katara, ale na 81‑j chvilinie Ermin Machmič pastaviŭ kančatkovuju kropku ŭ matčy — 3:1.
Paśla hetaj pieramohi Bośnija i Hiercahavina nabrała čatyry ački. Adnak pa dadatkovych pakazčykach, najpierš pa roźnicy zabitych i prapuščanych miačoŭ, jana sastupiła Kanadzie, jakaja taksama nabrała čatyry ački. U vyniku baśnijskaja kamanda zaniała treciaje miesca ŭ hrupie.
Tym nie mienš, šancy na praciah baraćby jašče zachoŭvajucca. Bośnija i Hiercahavina moža vyjści ŭ płej-of jak adna z najlepšych zbornych, što zaniali trecija miescy ŭ svaich hrupach.
Zbornaja Katara nabrała tolki adno ačko, zaniała apošniaje miesca ŭ kvartecie i zaviaršyła ŭdzieł u turniry.
Kałumbija vyjšła ŭ płej-of čempijanatu śvietu
Zbornaja Partuhalii biaźlitasna razhramiła Uźbiekistan. Ranałdu adhruziŭ dva hały
Čamu futbalisty na čempijanacie śvietu vychodziać na pole ŭ dziravych hietrach
Arhiencina daterminova vyjšła ŭ płej-of čempijanatu śvietu. Ź piaci jaje hałoŭ piać zabiŭ Miesi
Miesi staŭ absalutnym rekardsmienam pa kolkaści hałoŭ na čempijanatach śvietu
Ciapier čytajuć
U 2021 hodzie vypusknica admoviłasia pacisnuć ruku Hihinu na ŭručeńni dypłoma. Ciapier BDU nie choča jaho paćviardžać5
Kamientary
Džesi Marš - pradukt Red Buła, jaho uźlot byŭ u toj ža čas što amierykanski telesieryjał pra treniera. Heta vyhladała jak markietynhavaja kampanija: Zalcburh, potym Lejpcyh, potym Lids Junajted... Amierykanin ŭ Premjer Lizie!
Apaśla taho, jak heta niepaźbiežna pryviało da taho, što jaho vyhnali ssanymi anučami ź Lidsa, jaki vylataŭ z Premjer-Lihi bo kolki ty možaš gegenpress lepšych hulcoŭ śvietu - jany ciabie pierapasujuć i źniščać, jon viarnuŭsia ŭ Amieryku. Chaj tam zastajecca.