Pamior Vadzim Papoŭ, jaki ŭ 2000‑2004 i 2007‑2008 hadach byŭ staršynioj Pałaty pradstaŭnikoŭ. Jamu było 86 hadoŭ.
Vadzim Papoŭ naradziŭsia 5 lipienia 1940 hoda ŭ horadzie Dziamidaŭ Smalenskaj vobłaści. Pracoŭnuju dziejnaść pačaŭ rabočym u saŭhasie, paźniej pracavaŭ bryhadziram i miechanikam. U 1961—1964 hadach słužyŭ u Savieckaj armii, paśla čaho pracavaŭ na kamsamolskaj rabocie.
U 1971 hodzie Papoŭ skončyŭ Biełaruski instytut miechanizacyi sielskaj haspadarki, a ŭ 1984‑m — Minskuju vyšejšuju partyjnuju škołu. U 1972—1976 hadach byŭ dyrektaram saŭhasa imia Kalinina ŭ Krasnapolskim rajonie Mahiloŭskaj vobłaści.
Paśla hetaha doŭhi čas pracavaŭ u partyjnych orhanach. Byŭ instruktaram, zahadvaŭ ahrarnym adździełam Mahiloŭskaha abkama KPB, pracavaŭ u CK KPB, uznačalvaŭ Asipovicki harkam, a paźniej staŭ druhim i pieršym sakratarom Mahiloŭskaha abkama KPB.
Z 1992 hoda Papoŭ pierajšoŭ na haspadarčuju pracu i kiravaŭ roznymi pradpryjemstvami ahrapramysłovaha kompleksu Mahiloŭskaj vobłaści. U 1999 hodzie jaho pryznačyli pieršym namieśnikam ministra sielskaj haspadarki i charčavańnia Biełarusi, a 14 lipienia 2000 hoda jon staŭ ministram.
U kastryčniku 2000 hoda Papoŭ byŭ pryznačany deputatam Pałaty pradstaŭnikoŭ druhoha sklikańnia. 21 listapada taho ž hoda jaho pryznačyli staršynioj Pałaty pradstaŭnikoŭ, paśla čaho jon pakinuŭ pasadu ministra sielskaj haspadarki.
U 2004 hodzie Papoŭ znoŭ staŭ deputatam Pałaty pradstaŭnikoŭ i ŭznačaliŭ pastajannuju kamisiju pa mižnarodnych spravach i suviaziach z SND. U kastryčniku 2007 hoda jaho paŭtorna pryznačyli staršynioj Pałaty pradstaŭnikoŭ paśla adstaŭki Uładzimira Kanaplova. Na hetaj pasadzie jon zastavaŭsia da 2008 hoda, a paśla zakančeńnia paŭnamoctvaŭ taho sklikańnia pajšoŭ na piensiju.
Ciapier čytajuć
Pamiatajecie paru studentki i vykładčyka duchoŭnaha vučylišča, jaki starejšy za jaje na 31 hod? Jany raźbiehlisia13
Pamiatajecie paru studentki i vykładčyka duchoŭnaha vučylišča, jaki starejšy za jaje na 31 hod? Jany raźbiehlisia
Elektronnuju «Biełaruskuju encykłapiedyju», stvoranuju jak prastoru «vierahodnych viedaŭ pra Biełaruś», cicha likvidavali razam z redakcyjaj. Kupu artykułaŭ pieradali Hihinu77
Kamientary
"U kastryčniku 2000 hoda Papoŭ byŭ PRYZNAČANY deputatam Pałaty pradstaŭnikoŭ druhoha sklikańnia. 21 listapada taho ž hoda jaho PRYZNAČYLI staršynioj Pałaty pradstaŭnikoŭ, paśla čaho jon pakinuŭ pasadu ministra sielskaj haspadarki".