Zbornaja Partuhalii biaźlitasna razhramiła Uźbiekistan. Ranałdu adhruziŭ dva hały
Zbornaja Partuhalii razhramiła kamandu Uźbiekistana ŭ matčy druhoha tura hrupy K čempijanatu śvietu pa futbole 2026 hoda. Sustreča ŭ amierykanskim Chjustanie zaviaršyłasia ź likam 5:0 na karyść partuhalcaŭ.
Hałoŭnym hierojem matča staŭ 41‑hadovy Kryšcijanu Ranałdu, jaki aformiŭ dubl. Jon adkryŭ lik užo na 6‑j chvilinie, a na 39‑j chvilinie zabiŭ druhi miač.
Jašče adzin hoł u pieršym tajmie na rachunku Nunu Miendeša, jaki vyznačyŭsia na 17‑j chvilinie.
Na 29‑j chvilinie zbornaja Uźbiekistana zdoleła zabić, ale paśla prahladu videa hoł Azizžona Hanijeva byŭ admienieny z-za parušeńnia pravił u atacy.
U druhim tajmie čaćviorty miač u varoty ŭźbiekskaj kamandy trapiŭ paśla aŭtahoła bramnika Abduvachida Niamatava. A kančatkovy lik na 87‑j chvilinie ŭstanaviŭ Rafaeł Leaŭ.
Paśla dvuch turaŭ zbornaja Partuhalii nabrała čatyry bały i ŭznačalvaje turnirnuju tablicu hrupy K. Zbornaja Uźbiekistana pakul zastajecca z nulami i zajmaje apošniaje miesca ŭ hrupie.
U trecim tury Partuhalija sustreniecca sa zbornaj Kałumbii, a Uźbiekistan zhulaje suprać zbornaj Demakratyčnaj Respubliki Konha. A pamiž saboj Kałumbija i DRK pačnuć hulać zaŭtra a 5‑j ranicy pavodle biełaruskaha času.
Arhiencina daterminova vyjšła ŭ płej-of čempijanatu śvietu. Ź piaci jaje hałoŭ piać zabiŭ Miesi
Miesi staŭ absalutnym rekardsmienam pa kolkaści hałoŭ na čempijanatach śvietu
Karol Niderłandaŭ zapaliŭ na mundyjali: zaŭzieŭ suprać Šviecyi, a potym patančyŭ u raździavalni Kiurasaa
Zbornaja Kiurasaa nie sastupiła Ekvadoru dziakujučy fienamienalnaj hulni svajho bramnika
Zbornaja Turcyi pakidaje čempijanat śvietu
Prapahanda rychtuje hramadstva da zahadkavaj «praciahłaj kamandziroŭki» Łukašenki39
Kamientary
Padajecca, tolki Brazilija, ZŠA, Hiermanija i Francyja płaciać trenieru bolš, čym Uźbiekistan.