U minskim TRC «Tytan» na praśpiekcie Dziaržynskaha adkryłasia Avatar Arena — adzin z najbujniejšych u Biełarusi parkaŭ virtualnych pryhod. Prajekt staŭ častkaj maštabnaj rekanstrukcyi handlova-zabaŭlalnaha kompleksu, piša vydańnie «Naš portał».
Paśla adkryćcia novaj handlovaj halerei i abnoŭlenaha fudkorta ŭ vyzvalenaj prastory raźmiaścili sučasny VR-park. Pobač taksama pracujuć boŭlinh, łaziertah i dziciačy łabirynt.
Park zajmaje bolš za 700 kvadratnych mietraŭ. Jaho hałoŭnaja asablivaść — mahčymaść svabodna pieramiaščacca biez pravadoŭ i hulać vialikimi kampanijami. Dźvie hulniavyja areny płoščaj 150 i 120 kvadratnych mietraŭ mohuć abjadnoŭvacca ŭ adnu vialikuju prastoru amal na 290 kvadratnych mietraŭ. Adnačasova tam mohuć znachodzicca da 30‑ci čałaviek.
Dla naviedvalnikaŭ padrychtavali bolš za 115 virtualnych hulniaŭ i scenaryjaŭ. Dla dziaciej prapanujucca jarkija kamandnyja pryhody, dla padletkaŭ — dynamičnyja ekšn-hulni i taktyčnyja misii, a dla darosłych — kvesty i chorary z poŭnym pahružeńniem u virtualny śviet.
Asobnaj navinkaj stali adukacyjnyja prahramy ŭ dapoŭnienaj realnaści. Udzielniki mohuć vyvučać kosmas, daśledavać marskija hłybini, znajomicca z roznymi prafiesijami, robatatechnikaj i asnovami finansavaj piśmiennaści.
Park pryznačany nie tolki dla zvyčajnaha adpačynku. Tut možna arhanizavać dzień naradžeńnia, vypuskny viečar abo karparatyŭnaje mierapryjemstva. Dla hetaha praduhledžanyja try bankietnyja pakoi, jakija pry nieabchodnaści abjadnoŭvajucca ŭ zału na 70 čałaviek. Dla školnych hrup i letnich łahieraŭ raspracavanyja śpiecyjalnyja prahramy, jakija spałučajuć virtualnyja pryhody z paznavalnymi zaniatkami.
Rekanstrukcyja kompleksu praciahvałasia kala dvuch hadoŭ. Novaja handlovaja halereja zajmaje kala 7500 kvadratnych mietraŭ, maje try pavierchi, złučanyja eskałatarami. Nižnija pavierchi adviedzienyja pad kramy viadomych brendaŭ, a na trecim raźmieščany fudkort na 200 pasadačnych miescaŭ.
Prapahanda rychtuje hramadstva da zahadkavaj «praciahłaj kamandziroŭki» Łukašenki39
Kamientary