Kiraŭnika maryjanietkavaj Paŭdniovaj Asiecii pieraviali na pasadu daradcy Pucina
U maryjanietkavaj adnosna Rasii Paŭdniovaj Asiecii adbylisia značnyja palityčnyja źmieny. Prezident hetaha samaabvieščanaha ŭtvareńnia Ałan Hahłojeŭ abviaściŭ pra svaju adstaŭku i pierachod na pracu ŭ administracyju prezidenta Rasii, dzie jon staŭ daradcam Uładzimira Pucina.
Pavodle słoŭ Ałana Hahłojeva, prapanovu zaniać novuju pasadu jon atrymaŭ padčas razmovy z Pucinym 22 červienia. U svaim zvarocie jon zajaviŭ, što adnoj z hałoŭnych met ličyć abjadnańnie Paŭdniovaj Asiecii z Paŭnočnaj Asiecijaj u składzie Rasii.
Vykanaŭcam abaviazkaŭ kiraŭnika Paŭdniovaj Asiecii staŭ Marat Kambołaŭ. Jon naradziŭsia ŭ Paŭnočnaj Asiecii i doŭhi čas pracavaŭ u Kurčataŭskim instytucie ŭ Rasii, dzie zajmaŭ kiraŭničyja pasady. U Paŭdniovaj Asiecii jon źjaviŭsia tolki niadaŭna: u kancy maja staŭ daradcam prezidenta, a ŭ siaredzinie červienia ŭznačaliŭ urad.
Palityčnyja źmieny adbylisia paśla padpisańnia 9 maja pahadnieńnia ab pahłybleńni sajuźnickaha supracoŭnictva pamiž Rasijaj i Paŭdniovaj Asiecijaj. Pavodle acenak šerahu ekśpiertaŭ i hruzinskich uładaŭ, hety dakumient uzmacniaje ŭpłyŭ Maskvy na rehijon i moža stać krokam da jaho dalejšaj intehracyi ŭ skład Rasii. U pryvatnaści, pahadnieńnie dazvalaje hramadzianam Rasii zajmać dziaržaŭnyja pasady ŭ Paŭdniovaj Asiecii.
Niekatoryja analityki adznačajuć, što pryznačeńnie Kambołava praciahvaje praktyku, kali klučavyja pasady ŭ rehijonie zajmajuć ludzi, čyja karjera była źviazana pieravažna z Rasijaj.
Pavodle miascovaj kanstytucyi, paśla adstaŭki prezidenta novyja vybary pavinny adbycca nie paźniej za 21 vieraśnia 2026 hoda. Raniej čarhovyja vybary płanavalisia tolki na 2027 hod.
Paŭdniovaja Asiecija — terytoryja, jakaja pavodle mižnarodnaha prava źjaŭlajecca častkaj Hruzii, ale vyjšła z-pad kantrolu Tbilisi jašče ŭ pačatku 1990-ch. U 2008 hodzie, paśla karotkačasovaj vajny suprać Hruzii, Rasija aficyjna pryznała «niezaležnaść» Paŭdniovaj Asiecii razam ź jašče adnym niekantralavanym Hruzijaj rehijonam — Abchazijaj. Akramia Rasii, za jaje prykładam pajšli ŭsiaho niekalki zusim nie ŭpłyvovych sajuznych Kramlu krain, jak praviła vielmi dalokich ad hetaha rehijona. Pry hetym niezaležnaść abodvuch rehijonaŭ fiktyŭnaja, pakolki jany vielmi mocna zaležać ad Maskvy nie tolki palityčna, ale i ekanamična. Biudžet Paŭdniovaj Asiecii farmirujecca za košt datacyj z Maskvy praktyčna całkam, Abchazii — jak minimum na 70%.
Ciapier čytajuć
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu8383
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu83
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było3737
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było37
U Vialikaj Miadźviadcy adšukali mahiłu brata Ihnata Damiejki. Pahladzicie, jak spaskudzili carkvu pobač, jakuju naviedvaŭ suśvietna viadomy navukoviec1414
Kamientary