Pačaŭ chamić: siamiejnaja para ŭ Biełarusi admoviłasia ad 16‑hadovaha syna
Rodnaja maci zajaviła, što hatova płacić dziaržavie za ŭtrymańnie padletka, aby nie ciarpieć prynižeńniaŭ.
Niezvyčajny vypadak razhledzieła kamisija pa spravach niepaŭnaletnich u Dobrušy. Baćki vyrašyli admovicca ad svajho syna, paviedamlaje hazieta «Dobrušski kraj».
Para žyvie ŭ adnoj ź viosak rajona. Jany paskardzilisia na svajho 16‑hadovaha syna — prablemy pačalisia, kali jon pastupiŭ u kaledž.
Padletak pačaŭ chamić baćkam i ŭstupać ź imi ŭ kanflikty. Pra prablemu viedali i ŭ navučalnaj ustanovie: niepaŭnaletni niepavažliva adklikaŭsia pra baćku i maci.
Para sa śpiecyjalistami kaledža nie kantaktavali, dy i ŭ žyćci dziciaci ŭdzielničajuć nie nadta aktyŭna: na baćkoŭskich schodach nie źjaŭlalisia.
Jak vyśvietliłasia, raniej pryznavali, što dzicia znachodzicca ŭ sacyjalna niebiaśpiečnym stanoviščy.
Vyśvietlić pryčynu kanfliktu nie ŭdałosia, ale jon atrymaŭ niezvyčajnuju raźviazku — baćki vyrašyli aficyjna admovicca ad syna.
Jak zajaviła maci, jany hatovyja płacić dziaržavie za ŭtrymańnie syna, aby bolš nie ciarpieć prynižeńniaŭ.
Ciapier čytajuć
Nivodzin łukašenkaŭski ŚMI i kanał nie vykarystaŭ słova «retranślatary». Što heta moža aznačać?42
Nivodzin łukašenkaŭski ŚMI i kanał nie vykarystaŭ słova «retranślatary». Što heta moža aznačać?
Chto tyja dva piersanažy, jakija nie pili ŭ mižvajennaj Vilni, jak Zośku Vieras abudzili ad letarhii i ci praŭdzivaja bajka pra Karatkieviča i restaran11
Kamientary