U Anhlii trochhadovy chłopčyk pajšoŭ z baćkami ŭ zaapark i apynuŭsia ŭ valjery z krakadziłami
U Anhlii trochhadovy chłopčyk atrymaŭ ciažkija traŭmy paśla taho, jak apynuŭsia ŭ valjery z krakadziłami ŭ zaaparku. Incydent adbyŭsia 18 červienia ŭ zaaparku Johnsons of Old Hurst kala horada niedaloka ad horada Chantynhdan u hrafstvie Kiembrydžšyr, kudy dzicia pryjšło razam ź siamjoj, paviedamlaje Bi-bi-si.
Pavodle papiaredniaj infarmacyi, na chłopčyka napała jak minimum adna žyviolina. Miedykam udałosia stabilizavać stan paciarpiełaha, paśla čaho jaho dastavili ŭ balnicu.
Jak mienavita dzicia apynułasia ŭ valjery, pakul nieviadoma. Pieršaj na dapamohu pryjšła supracoŭnica zaaparka Trejsi, da jakoj dałučylisia jaje muž i syn. Ich dziejańni dapamahli vyratavać chłopčyka da prybyćcia ekstrannych słužbaŭ.
Pavodle paviedamleńniaŭ miascovych ŚMI, palicyja zatrymała 30‑hadovaha mužčynu pa padazreńni ŭ zamachu na zabojstva. Pavodle adnoj ź viersij, jon moh kinuć dzicia da krakadziłaŭ. Adnak z-za asablivaściaŭ stanu zdaroŭja mužčynu pryznali nieprydatnym dla dopytu i adpuścili pad zakład da vieraśnia.
Krakadziły ŭtrymlivalisia ŭ śpiecyjalna abstalavanym pamiaškańni, a naviedvalniki nazirali za imi z uzvyšanych ahladalnych placovak, abaronienych mietaličnymi aharodžami. Raniej parušeńniaŭ biaśpieki ŭ hetym valjery nie vyjaŭlałasia.
Ciapier pravaachoŭniki vyvučajuć zapisy z kamier nazirańnia i vyśviatlajuć usie abstaviny zdareńnia, u tym liku jak doŭha dzicia znachodziłasia ŭ valjery. Paviedamlajecca, što krakadziłaŭ paśla incydentu nie zabivali i nie vyvozili.
Na čas rasśledavańnia paviljon, dzie znachodzicca valjer z krakadziłami, zakryty dla naviedvalnikaŭ.
«Chacieŭ sustreć krakadziłaŭ i biehiemotaŭ». Biełarus zładziŭ adzinočny spłaŭ pa race Limpapo
Kałumbijskich «kakainavych biehiemotaŭ» hatovyja pryniać u Indyi
Indyja choča vykarystoŭvać źmiej i krakadziłaŭ dla abarony dziaržaŭnaj miažy
U Hrodzienskim zaaparku pakazali, ź jakoj łyžki kormiać krakadziłavaha kajmana VIDEA
U Aŭstralii spatrebiłasia 11 čałaviek, kab pačyścić zuby adnamu krakadziłu
Ciapier čytajuć
Ukraina ŭpieršyniu adkazała na rasijskija ataki na składy «Novaj pošty» simietryčnymi ŭdarami pa chabach «Vajłdbieryz». Padmaskoŭny zhareŭ daščentu1111
Kamientary