Śviatłana Cichanoŭskaja: Amierykanski trek vyzvaleńnia palitviaźniaŭ praciahvajecca, Tramp staviŭ zadaču viarnuć 1 300 čałaviek
Demakratyčnaja lidarka Śviatłana Cichanoŭskaja padčas vystupu 18 lipienia na fiestyvali TUTAKA prakamientavała praces vyzvaleńnia biełaruskich palitviaźniaŭ pry pasiarednictvie ZŠA. Pavodle jaje słoŭ, niahledziačy na čutki, kamunikacyja i kaardynacyja z amierykanskim bokam zastajucca pastajannymi, piša «Pozirk».
Amierykanski trek vyzvaleńnia palitviaźniaŭ u Biełarusi praciahvajecca, zajaviła Śviatłana Cichanoŭskaja 18 lipienia na sustrečy ŭ ramkach festu TUTAKA.
«Heta takaja tonkaja situacyja, što niemahčyma prosta raskazvać. Mnie vielmi škada, što ludzi śpiekulujuć mienavita na temie palitźniavolenych, — skazała jana. — Ja chaču skazać adno, što ŭ nas pastajannaja kamunikacyja z amierykanskim bokam. My razumiejem, jakija adbyvajucca pracesy, z nami dzielacca [infarmacyjaj], jość kaardynacyja. I ja spadziajusia… davajcie ja tak skažu, što, kaniešnie, my zmožam pabačyć vyzvalenych ludziej».
«Ja vam chaču skazać, što cikavaść da temy nie zhubiłasia. Što była pastaŭlenaja zadača [prezidentam ZŠA Donaldam Trampam, ad jaho] prahučała ličba — 1300. My pavinny razumieć, što palitźniavolenych było bolš, čym 1300. My razumiejem, što navat kali hetaja ličba budzie dasiahnutaja, za kraty praciahnuć kidać ludziej. Jość šmat ludziej, jakija nie ŭ śpisach pravaabarončych arhanizacyj — z roznych pryčyn, ale my pavinny razumieć, što hetyja ludzi jość», — padkreśliła palityk.
Pavodle jaje słoŭ, tyja paviedamleńni, jakija ludzi pišuć pradstaŭnikam ZŠA — u pryvatnaści śpiecpasłańniku prezidenta pa Biełarusi Džonu Koŭłu — adnosna tych ci inšych palitviaźniaŭ, «dachodziać, jany čytajucca».
Cichanoŭskaja skazała, što «praces, moža być, ciažki, ale ž praces idzie». «Ź ciažkaściami, nie tak chutka, jak nam usim chaciełasia b, ale ludzi pracujuć», — kanstatavała demlidarka.
Pa vynikach apošniaj sustrečy z amierykanskaj delehacyjaj 19 sakavika 2026 hoda ŭ Minsku Alaksandr Łukašenka rasparadziŭsia vyzvalić 250 viaźniaŭ, ź jakich 235 było dazvolena zastacca na radzimie, a 15 vyvieziena ŭ Litvu (častka paśla nakiravalisia ŭ Polšču).
Ahułam z udziełam Biełaha doma na volu vyjšła bolš za 400 čałaviek. Naŭzamien ZŠA pastupova zdymajuć sankcyi z režymu Łukašenki.
Čakałasia, što Koŭł naviedaje Minsk u traŭni, adnak hetaha nie adbyłosia. U červieni śpiecpasłańnik Trampa abvierh infarmacyju pra toje, što praces vyzvaleńnia biełaruskich palitviaźniaŭ pad ehidaj Vašynhtona prypynieny. Paśla jon daŭ zrazumieć, što nieŭzabavie moža čarhovym razam prybyć u Biełaruś.
Paśla telefonnaj razmovy z Łukašenkam 15 žniŭnia 2025 hoda Tramp napisaŭ u svajoj sacyjalnaj sietcy TruthSocial, što metaj zvanka było vykazać tamu padziaku za vyzvaleńnie hrupy viaźniaŭ. «My taksama abmiarkoŭvajem vyzvaleńnie jašče 1300 źniavolenych», — adznačyŭ jon tady.
Ciapier čytajuć
«Bolš za 10 čałaviek vyjechali ŭ Jeŭropu — i heta tolki z majho adździaleńnia». Reanimatołah z rajcentra ščyra apisaŭ budni biełaruskaj miedycyny26
«Bolš za 10 čałaviek vyjechali ŭ Jeŭropu — i heta tolki z majho adździaleńnia». Reanimatołah z rajcentra ščyra apisaŭ budni biełaruskaj miedycyny
«Viedajecie, Łukašenka nie prezident». Jany tak uśmichnulisia, kiŭnuli». Departavany z Hruzii Leŭ Michiejeŭ raskazaŭ, jak ź im abychodzilisia ŭ Armienii33
Kamientary