Dym ad źniščanaha składu Wildberries pad Maskvoj raściahnuŭsia na 250 kiłamietraŭ
Pavodle spadarožnikavych danych NASA, dym ad pažaraŭ u Padmaskoŭi paśla ataki bieśpiłotnikaŭ na łahistyčny centr Wildberries pad horadam Elektrastal raściahnuŭsia prykładna na 250 kiłamietraŭ i nabliziŭsia da miažy Arłoŭskaj vobłaści, piša The Moscow Times.
Dymavoje vobłaka płoščaj kala 18 tysiač kvadratnych kiłamietraŭ achapiła značnuju častku Kałužskaj vobłaści, uklučajučy Kałuhu, a taksama asobnyja rajony Tulskaj vobłaści. Jaho paŭdniovaja častka znachodziłasia prykładna za 15 kiłamietraŭ ad Arłoŭskaj vobłaści.
Akramia łahistyčnaha centra Wildberries u Elektrastali, pad udaram apynułasia i naftabaza ŭ padmaskoŭnym Nahinsku. Na jaje terytoryi raźmieščanyja reziervuary dla zachoŭvańnia bienzinu, dyzielnaha paliva i avijacyjnaj hazy ahulnym abjomam kala 11,5 tysiačy kubamietraŭ.
Mer Maskvy Siarhiej Sabianin paviedamiŭ, što ŭ ranišniaj atacy na Maskoŭski rehijon udzielničali bolš za 370 bieśpiłotnikaŭ. Pavodle jaho słoŭ, z pačatku tydnia na staličny rehijon było nakiravana kala 1,9 tysiačy dronaŭ.
Hubiernatar Maskoŭskaj vobłaści Andrej Varabjoŭ paviedamiŭ, što ŭ vyniku subotniaj ataki paciarpieŭ 61 čałaviek, ź jakich 40 znachodziacca ŭ balnicach. Siarod traŭmaŭ — askiepkavyja i vybuchovyja paškodžańni, čerapna-mazhavyja traŭmy, pierałomy, apioki i atručvańnie praduktami hareńnia. U Tamboŭskaj vobłaści, dzie taksama byŭ atakavany skład Wildberries, paviedamlałasia pra siemiarych zahinułych i 37 paranienych.
Niahledziačy na vialikaje dymavoje vobłaka, ułady Maskoŭskaj vobłaści zajavili, što stacyjanarnyja pasty manitorynhu nie zafiksavali pieravyšeńniaŭ dapuščalnych kancentracyj škodnych rečyvaŭ u pavietry. Adnak žycharam usio ž paraili trymać vokny začynienymi i pa mahčymaści abmiežavać fizičnyja nahruzki.
Paśla ataki pa dvuch składach Wildberries mahli paciarpieć da 15% składskich płoščaŭ kampanii
Zialenski prakamientavaŭ siońniašnija ŭdary pa składach Wildberries
Ukraina ŭpieršyniu adkazała na rasijskija ataki na składy «Novaj pošty» simietryčnymi ŭdarami pa chabach «Vajłdbieryz». Padmaskoŭny zhareŭ daščentu
Ukrainskija drony ŭdaryli i pa składzie Wildberries u Padmaskoŭi
Siamiora supracoŭnikaŭ składa Wildberries u Tamboŭskaj vobłaści zahinuli ŭ vyniku ataki ŭkrainskich dronaŭ
Ciapier čytajuć
Ukraina ŭpieršyniu adkazała na rasijskija ataki na składy «Novaj pošty» simietryčnymi ŭdarami pa chabach «Vajłdbieryz». Padmaskoŭny zhareŭ daščentu1010
Kamientary