Na «Ekspabiele» pačaŭsia sapraŭdny jahadny bum! Siońnia ŭ pakupnikoŭ najbolšym popytam karystajucca čarnicy, ahrest i parečki dla kampotaŭ. Śledam za imi iduć bachčavyja — jany taksama nie sastupajuć pa papularnaści, paviedamlaje vydańnie «Prystaličča».
Ahlad jahadnych pryłaŭkaŭ
Višni na rynku kaštujuć 6,50—7 rubloŭ za kiłahram, parečki — ad 14 rubloŭ. Mienavita hetyja jahady siońnia najčaściej kuplajuć tyja, chto stavić kampoty na zimu.
Ahrest pradajuć łatkami pa 8 rubloŭ — u adnym prykładna 500—600 hramaŭ jahad.
Značna patańnieli čarešni — jość jak žoŭtyja, tak i ciomna-čyrvonyja. U asnoŭnym pradajuć pa 8—13 rubloŭ za kiłahram, ale pradaŭcy pa sakrecie pryznalisia, što ŭviečary možna znajści i pa 6 rubloŭ.
Handlary achvotna źnižajuć ceny, kab raspradać tavar i nazaŭtra zakupić śviežy. Źnižki dziejničajuć jak dla aptovych, tak i dla roźničnych pakupnikoŭ.
Radujuć i kłubnicy. Učorašnija možna kupić ad 8 rubloŭ za kiłahram — dla vareńnia jany padychodziać vydatna. Ceny na śviežyja dasiahajuć 22 rubloŭ.
Maliny kaštujuć ad 25 rubloŭ za kiłahram, taksama pradajucca łatkami pa 11 rubloŭ.
Ažyny tolki źjavilisia ŭ prodažy, tamu pakul darahija — ad 30 rubloŭ za płastykavy łatok.
— Bujaki na «Ekspabiele» kaštujuć kala 11 rubloŭ, — kaža pradaviec Alek. — Siońnia jany na piku smaku — sałodkija, zusim nie takija, jak uzimku. Dy i cana ŭpała — samy čas łasavacca.
Čarnicy pradajucca ad 14 rubloŭ za kiłahram. Jahady sioleta drobnyja.
Fruktovaje šou: jak pradaŭcy pryciahvajuć pakupnikoŭ
Na našych vačach pradaŭcy zładzili sapraŭdnaje fruktovaje šou. Mužčyny pierakidvali pałasatych hihantaŭ adzin adnamu, niby miačy, a paśla składvali ich u roŭnyja piramidy.
Pobač razrazali dyni i kavuny, častavali i tych, chto źbiraŭsia zrabić pakupku, i vypadkovych minakoŭ.
— Kavuny siońnia na rynku kaštujuć ad 3,5 da 4 rubloŭ za kiłahram. Praź niekalki dzion buduć jašče tańniejšyja, — zapeŭniŭ pradaviec bachčavych Elnur.
Adzin z handlaroŭ nalaplaŭ na kavuny nalepki z nadpisam VIP, kab pryciahnuć uvahu pakupnikoŭ. Adnak ludziej bolš cikavili tyja pryłaŭki, dzie možna było spačatku pakaštavać.
Na dyniach u hetaha ž pradaŭca visieŭ nadpis: «Rukami nie čapać».
Nievialikija dyni na rynku pradajuć paasobku — pa 5 rubloŭ za štuku, a bujnyja — na vahu, ad 4 rubloŭ za kiłahram.
Redki vypadak: pamiłavany biełaruski palitviazień pajšoŭ na vajnu suprać Ukrainy16
Redki vypadak: pamiłavany biełaruski palitviazień pajšoŭ na vajnu suprać Ukrainy
«Strelba kali i strelić, to naŭrad ci kulamiotnaj čarhoj». Maksim Znak acaniŭ realnaść pahroz biełaruskaj prapahandy pazbavić hramadzianstva palitemihrantaŭ1212
Kamientary